ולא נטשתני לנשק לבני ולבנתי עתה הסכלת עשו:

וירץ עשו לקראתו ויחבקהו ויפל על צוארו וישקהו ויבכו:

ותשנה קולן ותבכינה עוד ותשק ערפה לחמותה ורות דבקה בה:

ויברכו את רבקה ויאמרו לה אחתנו את היי לאלפי רבבה ויירש זרעך את שער שנאיו:

ויקרא יצחק אל יעקב ויברך אתו ויצוהו ויאמר לו לא תקח אשה מבנות כנען:

וישם יהוה דבר בפי בלעם ויאמר שוב אל בלק וכה תדבר:

מה אקב לא קבה אל ומה אזעם לא זעם יהוה:

ויאמר בלק אל בלעם מה עשית לי לקב איבי לקחתיך והנה ברכת ברך:

ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיך:

ברצות יהוה דרכי איש גם אויביו ישלם אתו:

וילך יהוה כאשר כלה לדבר אל אברהם ואברהם שב למקמו:

ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי:

ויקם בלעם וילך וישב למקמו וגם בלק הלך לדרכו:

כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב:

כי חמת אדם תודך שארית חמת תחגר:

ויראו הנכרים את החיה תלויה על ידו ויאמרו איש אל רעהו אכן רצח האיש הזה אשר הנקמה לא הניחה לו לחיות אף כי נמלט מן הים:

והוא נער את החיה מעל ידו אל תוך האש ולא הרעה לו מאומה: