וירא אלהים את האור כי טוב ויבדל אלהים בין האור ובין החשך:

זה ספר תולדת אדם ביום ברא אלהים אדם בדמות אלהים עשה אתו:

ואלה תולדת בני נח שם חם ויפת ויולדו להם בנים אחר המבול:

אלה תולדת שם שם בן מאת שנה ויולד את ארפכשד שנתים אחר המבול:

ואלה תלדת ישמעאל בן אברהם אשר ילדה הגר המצרית שפחת שרה לאברהם:

ואלה תולדת יצחק בן אברהם אברהם הוליד את יצחק:

ואלה תלדות עשו הוא אדום:

ואלה תלדות עשו אבי אדום בהר שעיר:

ואלה שמות בני לוי לתלדתם גרשון וקהת ומררי ושני חיי לוי שבע ושלשים ומאת שנה:

היש למטר אב או מי הוליד אגלי טל:

תפלה למשה איש האלהים אדני מעון אתה היית לנו בדר ודר:

בטרם הרים ילדו ותחולל ארץ ותבל ומעולם עד עולם אתה אל:

יהוה איש מלחמה יהוה שמו:

וירא כל העם ויפלו על פניהם ויאמרו יהוה הוא האלהים יהוה הוא האלהים:

ויאמר יהוה אלהי אבתינו הלא אתה הוא אלהים בשמים ואתה מושל בכל ממלכות הגוים ובידך כח וגבורה ואין עמך להתיצב:

כי מי אלוה מבלעדי יהוה ומי צור זולתי אלהינו:

כי גדול אתה ועשה נפלאות אתה אלהים לבדך:

כה אמר יהוה מלך ישראל וגאלו יהוה צבאות אני ראשון ואני אחרון ומבלעדי אין אלהים:

יוחנן אל שבע הקהלות אשר באסיא חסד לכם ושלום מאת ההוה והיה ויבוא ומן שבעת הרוחות אשר לפני כסאו:

אני האלף ואני התו ראש וסוף נאם יהוה אלהים ההוה והיה ויבוא אלהי צבאות:

ויאמרו מודים אנחנו לך יהוה אלהים צבאות ההוה והיה ויבוא כי לבשת עזך הגדול ותמלך:

ואשמע את מלאך המים אמר צדיק אתה ההוה והיה והקדוש כי כן שפטת: