והבאתי אתכם אל הארץ אשר נשאתי את ידי לתת אתה לאברהם ליצחק וליעקב ונתתי אתה לכם מורשה אני יהוה:

כי אשא אל שמים ידי ואמרתי חי אנכי לעלם:

ואשמע את האיש לבוש הבדים אשר ממעל למימי היאר וירם ימינו ושמאלו אל השמים וישבע בחי העולם כי למועד מועדים וחצי וככלות נפץ יד עם קדש תכלינה כל אלה:

והמלאך אשר ראיתיו עמד על הים ועל הארץ הרים ידו אל השמים:

וישבע בחי עולמי העולמים אשר ברא את השמים וכל אשר בהם והארץ וכל אשר בה והים וכל אשר בו כי לא יהיה עוד זמן:

ועתה השבעה לי באלהים הנה אם תשקר לי ולניני ולנכדי כחסד אשר עשיתי עמך תעשה עמדי ועם הארץ אשר גרתה בה:

והוכח אברהם את אבימלך על אדות באר המים אשר גזלו עבדי אבימלך:

ויקח אברהם צאן ובקר ויתן לאבימלך ויכרתו שניהם ברית:

ויאמר אבימלך אל אברהם מה הנה שבע כבשת האלה אשר הצבת לבדנה:

על כן קרא למקום ההוא באר שבע כי שם נשבעו שניהם:

ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשוב:

וברוך אל עליון אשר מגן צריך בידך ויתן לו מעשר מכל:

ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי התהלך לפני והיה תמים:

לדוד מזמור ליהוה הארץ ומלואה תבל וישבי בה:

וידעו כי אתה שמך יהוה לבדך עליון על כל הארץ:

כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים:

ולקצת יומיה אנה נבוכדנצר עיני לשמיא נטלת ומנדעי עלי יתוב ולעליא ברכת ולחי עלמא שבחת והדרת די שלטנה שלטן עלם ומלכותה עם דר ודר:

לי הכסף ולי הזהב נאם יהוה צבאות:

ויברכהו ויאמר ברוך אברם לאל עליון קנה שמים וארץ:

ויטע אשל בבאר שבע ויקרא שם בשם יהוה אל עולם: