Salmos capítulo 10 tag:/bibliafeativa.com.br,2026-06-29:20260629 2026-06-29T01:20:08+00:00 tag:/bibliafeativa.com.br,2026-06-29:20260629 2026-06-29T01:20:08+00:00

למה יהוה תעמד ברחוק תעלים לעתות בצרה: בגאות רשע ידלק עני יתפשו במזמות זו חשבו: כי הלל רשע על תאות נפשו ובצע ברך נאץ יהוה: רשע כגבה אפו בל ידרש אין אלהים כל מזמותיו: יחילו דרכו בכל עת מרום משפטיך מנגדו כל צורריו יפיח בהם: אמר בלבו בל אמוט לדר ודר אשר לא ברע: אלה פיהו מלא ומרמות ותך תחת לשונו עמל ואון: ישב במארב חצרים במסתרים יהרג נקי עיניו לחלכה יצפנו: יארב במסתר כאריה בסכה יארב לחטוף עני יחטף עני במשכו ברשתו: ודכה ישח ונפל בעצומיו חלכאים: אמר בלבו שכח אל הסתיר פניו בל ראה לנצח: קומה יהוה אל נשא ידך אל תשכח עניים: על מה נאץ רשע אלהים אמר בלבו לא תדרש: ראתה כי אתה עמל וכעס תביט לתת בידך עליך יעזב חלכה יתום אתה היית עוזר: שבר זרוע רשע ורע תדרוש רשעו בל תמצא: יהוה מלך עולם ועד אבדו גוים מארצו: תאות ענוים שמעת יהוה תכין לבם תקשיב אזנך: לשפט יתום ודך בל יוסיף עוד לערץ אנוש מן הארץ:

Bíblia admin@/bibliafeativa.com.br