MHB - Bíblia hebraica moderna (consoantes) 2010Job capítulo 40tag:/bibliafeativa.com.br,2026-06-27:202606272026-06-27T04:35:00+00:00Job capítulo 40tag:/bibliafeativa.com.br,2026-06-27:202606272026-06-27T04:35:00+00:00
ויען יהוה את איוב ויאמר:
הרב עם שדי יסור מוכיח אלוה יעננה:
ויען איוב את יהוה ויאמר:
הן קלתי מה אשיבך ידי שמתי למו פי:
אחת דברתי ולא אענה ושתים ולא אוסיף:
ויען יהוה את איוב מן סערה ויאמר:
אזר נא כגבר חלציך אשאלך והודיעני:
האף תפר משפטי תרשיעני למען תצדק:
ואם זרוע כאל לך ובקול כמהו תרעם:
עדה נא גאון וגבה והוד והדר תלבש:
הפץ עברות אפך וראה כל גאה והשפילהו:
ראה כל גאה הכניעהו והדך רשעים תחתם:
טמנם בעפר יחד פניהם חבש בטמון:
וגם אני אודך כי תושע לך ימינך:
הנה נא בהמות אשר עשיתי עמך חציר כבקר יאכל:
הנה נא כחו במתניו ואנו בשרירי בטנו:
יחפץ זנבו כמו ארז גידי פחדו ישרגו:
עצמיו אפיקי נחושה גרמיו כמטיל ברזל:
הוא ראשית דרכי אל העשו יגש חרבו:
כי בול הרים ישאו לו וכל חית השדה ישחקו שם:
תחת צאלים ישכב בסתר קנה ובצה:
יסכהו צאלים צללו יסבוהו ערבי נחל:
הן יעשק נהר לא יחפוז יבטח כי יגיח ירדן אל פיהו:
בעיניו יקחנו במוקשים ינקב אף:
Bíbliaadmin@/bibliafeativa.com.br