ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים לשני מחנות:

צרות לבבי הרחיבו ממצוקותי הוציאני:

תהום אל תהום קורא לקול צנוריך כל משבריך וגליך עלי עברו:

אפפוני חבלי מות ומצרי שאול מצאוני צרה ויגון אמצא:

ובשם יהוה אקרא אנה יהוה מלטה נפשי:

האמנתי כי אדבר אני עניתי מאד:

כי לא נכחד מכם אחי את צרתנו אשר מצאתנו באסיא אשר כבדה עלינו עד למאד ויותר מכחנו עד כי נואשנו מן החיים:

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים:

נחלצים אנחנו בכל ולא נדכאים דאגים ולא נואשים:

כי גם בבאנו אל מקדוניא לא היתה מרגעה לבשרנו רק נלחצנו בכל מחוץ מלחמות ומחדרים אימה:

ויצעק משה אל יהוה לאמר מה אעשה לעם הזה עוד מעט וסקלני:

ויאמרו כל העדה לרגום אתם באבנים וכבוד יהוה נראה באהל מועד אל כל בני ישראל:

אך הבל בני אדם כזב בני איש במאזנים לעלות המה מהבל יחד:

והמון העם ההלכים לפניו ואחריו קראו לאמר הושע נא לבן דוד ברוך הבא בשם יהוה הושע נא במרומים:

ויאמר אליהם פילטוס ומה אעשה לישוע הנקרא בשם משיח ויענו כלם יצלב:

והיא מרת נפש ותתפלל על יהוה ובכה תבכה:

ויאמרו אליו בני דן אל תשמע קולך עמנו פן יפגעו בכם אנשים מרי נפש ואספתה נפשך ונפש ביתך:

ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם:

ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד לי:

הן יקטלני לא איחל אך דרכי אל פניו אוכיח:

בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו:

לדוד שפטני יהוה כי אני בתמי הלכתי וביהוה בטחתי לא אמעד:

בחנני יהוה ונסני צרופה כליותי ולבי:

לדוד יהוה אורי וישעי ממי אירא יהוה מעוז חיי ממי אפחד:

אם תחנה עלי מחנה לא יירא לבי אם תקום עלי מלחמה בזאת אני בוטח:

לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי:

גדלו ליהוה אתי ונרוממה שמו יחדו:

הביטו אליו ונהרו ופניהם אל יחפרו:

חנה מלאך יהוה סביב ליראיו ויחלצם:

למנצח לדוד מזמור קוה קויתי יהוה ויט אלי וישמע שועתי:

ויעלני מבור שאון מטיט היון ויקם על סלע רגלי כונן אשרי:

מה תשתוחחי נפשי ותהמי עלי הוחילי לאלהים כי עוד אודנו ישועות פניו:

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי:

יום אירא אני אליך אבטח:

באלהים אהלל דברו באלהים בטחתי לא אירא מה יעשה בשר לי:

באלהים בטחתי לא אירא מה יעשה אדם לי:

למנצח על ידותון מזמור לדוד אך אל אלהים דומיה נפשי ממנו ישועתי:

אך לאלהים דומי נפשי כי ממנו תקותי:

בטחו בו בכל עת עם שפכו לפניו לבבכם אלהים מחסה לנו סלה:

טוב לחסות ביהוה מבטח באדם:

כל גוים סבבוני בשם יהוה כי אמילם:

סבוני כדבורים דעכו כאש קוצים בשם יהוה כי אמילם:

מגדל עז שם יהוה בו ירוץ צדיק ונשגב:

כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר:

ויקח חזקיהו את הספרים מיד המלאכים ויקראהו ויעל בית יהוה ויפרשהו חזקיהו לפני יהוה:

יהוה צבאות אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ:

אמנם יהוה החריבו מלכי אשור את כל הארצות ואת ארצם:

ועתה יהוה אלהינו הושיענו מידו וידעו כל ממלכות הארץ כי אתה יהוה לבדך:

יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל:

כי תאנה לא תפרח ואין יבול בגפנים כחש מעשה זית ושדמות לא עשה אכל גזר ממכלה צאן ואין בקר ברפתים:

ואני ביהוה אעלוזה אגילה באלהי ישעי:

באשר אין תקוה קוה ויאמן למען אשר יהיה לאב המון גוים כמו שנאמר כה יהיה זרעך:

ועתה מה נאמר על זאת אם האלהים לנו מי יריב אתנו:

והנה אם נלחץ הוא לנחמתכם ולישועתכם אשר יראה כחה בסבלכם הענוים אשר נסבל אתן גם אנחנו ואם ננחם גם הוא לנחמתכם ולישועתכם:

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים:

אשר הצילנו ממות כזה ועודנו מציל ולו אנחנו מקוים כי יוסיף להצילנו:

על כן נבטח ונאמר יהוה לי בעזרי לא אירא מה יעשה לי אדם: