וישכב שמואל עד הבקר ויפתח את דלתות בית יהוה ושמואל ירא מהגיד את המראה אל עלי:

וילך אלקנה הרמתה על ביתו והנער היה משרת את יהוה את פני עלי הכהן:

ושמואל משרת את פני יהוה נער חגור אפוד בד:

ויסף יהוה להראה בשלה כי נגלה יהוה אל שמואל בשלו בדבר יהוה:

אותתינו לא ראינו אין עוד נביא ולא אתנו ידע עד מה:

אוקיר אנוש מפז ואדם מכתם אופיר:

הנה ימים באים נאם אדני יהוה והשלחתי רעב בארץ לא רעב ללחם ולא צמא למים כי אם לשמע את דברי יהוה:

ונעו מים עד ים ומצפון ועד מזרח ישוטטו לבקש את דבר יהוה ולא ימצאו: