אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי:

אל תיראי תולעת יעקב מתי ישראל אני עזרתיך נאם יהוה וגאלך קדוש ישראל:

על כן נבטח ונאמר יהוה לי בעזרי לא אירא מה יעשה לי אדם:

לשום שפלים למרום וקדרים שגבו ישע:

לכד חכמים בערמם ועצת נפתלים נמהרה:

וישע מחרב מפיהם ומיד חזק אביון:

לדוד יהוה אורי וישעי ממי אירא יהוה מעוז חיי ממי אפחד:

אם תחנה עלי מחנה לא יירא לבי אם תקום עלי מלחמה בזאת אני בוטח:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

על כן לא נירא בהמיר ארץ ובמוט הרים בלב ימים:

ישב בסתר עליון בצל שדי יתלונן:

אמר ליהוה מחסי ומצודתי אלהי אבטח בו:

ביראת יהוה מבטח עז ולבניו יהיה מחסה:

כל כלי יוצר עליך לא יצלח וכל לשון תקום אתך למשפט תרשיעי זאת נחלת עבדי יהוה וצדקתם מאתי נאם יהוה:

אל תירא העדר הקטן כי רצה אביכם לתת לכם את המלכות:

רבות מחשבות בלב איש ועצת יהוה היא תקום:

ואחר באנו אל רומי העביר שר המאה את האסירים אל שר הצבא ולפולוס הניחו לשבת לבדו עם איש הצבא השמר אותו:

אבוא אליכם בלכתי לאספמיא כי מקוה אנכי לראותכם בעברי ואתם תשלחוני שמה ואשבעה מעט מכם בראשונה:

כי כל הימים אשר בן ישי חי על האדמה לא תכון אתה ומלכותך ועתה שלח וקח אתו אלי כי בן מות הוא:

ועתה הנה ידעתי כי מלך תמלוך וקמה בידך ממלכת ישראל:

ואם מאת האלהים היא לא תוכלו להפר אתה פן תמצאו נלחמים את האלהים: