וישכמו ויהי כעלות השחר ויקרא שמואל אל שאול הגג לאמר קומה ואשלחך ויקם שאול ויצאו שניהם הוא ושמואל החוצה:

יהוה בקר תשמע קולי בקר אערך לך ואצפה:

ערב ובקר וצהרים אשיחה ואהמה וישמע קולי:

קדמתי בנשף ואשועה לדבריך יחלתי:

וישכם ממחרת בעוד לילה ויצא וילך אל מקום חרבה ויתפלל שם:

והאדם ידע את חוה אשתו ותהר ותלד את קין ותאמר קניתי איש את יהוה:

ותדר נדר ותאמר יהוה צבאות אם ראה תראה בעני אמתך וזכרתני ולא תשכח את אמתך ונתתה לאמתך זרע אנשים ונתתיו ליהוה כל ימי חייו ומורה לא יעלה על ראשו:

ויזכר אלהים את נח ואת כל החיה ואת כל הבהמה אשר אתו בתבה ויעבר אלהים רוח על הארץ וישכו המים:

ויהוה פקד את שרה כאשר אמר ויעש יהוה לשרה כאשר דבר:

ויזכר אלהים את רחל וישמע אליה אלהים ויפתח את רחמה:

חטאות נעורי ופשעי אל תזכר כחסדך זכר לי אתה למען טובך יהוה:

שבשפלנו זכר לנו כי לעולם חסדו:

ויאמר אל ישוע זכרני נא אדני בבאך במלכותך: