לכן הנם לפני כסא האלהים ומשרתים אותו בהיכלו יומם ולילה והישב על הכסא יתן משכנו עליהם:

ויפתח היכל יהוה בשמים וירא ארון בריתו בהיכל ויהי ברקים וקלות ורעמים ורעש וברד כבד:

וישפך המלאך השביעי את קערתו על האור ויצא קול גדול מהיכל השמים מן הכסא ויאמר היה נהיתה:

ברכו יהוה מלאכיו גברי כח עשי דברו לשמע בקול דברו:

ברכו יהוה כל מעשיו בכל מקמות ממשלתו ברכי נפשי את יהוה:

שיר המעלות הנה ברכו את יהוה כל עבדי יהוה העמדים בבית יהוה בלילות:

הללו יה הללו את שם יהוה הללו עבדי יהוה:

בית ישראל ברכו את יהוה בית אהרן ברכו את יהוה:

בית הלוי ברכו את יהוה יראי יהוה ברכו את יהוה:

מלכי ארץ וכל לאמים שרים וכל שפטי ארץ:

יהללו את שם יהוה כי נשגב שמו לבדו הודו על ארץ ושמים:

כל הנשמה תהלל יה הללו יה:

והגוים קצפו ויבא קצפך ועת המתים להשפט ולתת שכר לעבדיך הנביאים ולקדשים וליראי שמך למקטנם ועד גדולם ולהשחית את משחיתי הארץ:

וארא את המתים הקטנים עם הגדלים עמדים לפני הכסא וספרים נפתחים ויפתח ספר אחר אשר הוא ספר החיים וישפטו המתים על פי הכתוב בספרים כמעשיהם: