3
וחלליהם ישלכו ופגריהם יעלה באשם ונמסו הרים מדמם:
4
ונמקו כל צבא השמים ונגלו כספר השמים וכל צבאם יבול כנבל עלה מגפן וכנבלת מתאנה:
5
כי רותה בשמים חרבי הנה על אדום תרד ועל עם חרמי למשפט:
6
חרב ליהוה מלאה דם הדשנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום:
7
וירדו ראמים עמם ופרים עם אבירים ורותה ארצם מדם ועפרם מחלב ידשן:
8
כי יום נקם ליהוה שנת שלומים לריב ציון:
