ויאמר אלי המים ההם אשר ראית אשר הזונה ישבת עליהם עמים והמנים המה וגוים ולשנות:

אפפוני חבלי מות ונחלי בליעל יבעתוני:

משביח שאון ימים שאון גליהם והמון לאמים:

נשאו נהרות יהוה נשאו נהרות קולם ישאו נהרות דכים:

מקלות מים רבים אדירים משברי ים אדיר במרום יהוה:

ולכן הנה אדני מעלה עליהם את מי הנהר העצומים והרבים את מלך אשור ואת כל כבודו ועלה על כל אפיקיו והלך על כל גדותיו:

הנה חזק ואמץ לאדני כזרם ברד שער קטב כזרם מים כבירים שטפים הניח לארץ ביד:

וייראו ממערב את שם יהוה וממזרח שמש את כבודו כי יבוא כנהר צר רוח יהוה נססה בו: