והמלאך השביעי תקע בשופר ויהי קלות גדולים בשמים ויאמרו הנה ממלכת העולם היתה לאדיניו ולמשיחו והוא ימלך לעולמי עולמים:

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו:

וישנו ויאמרו הללויה ועשנה יעלה לעולמי עולמים:

וקול יוצא מן הכסא ויאמר הללו את אלהינו כל עבדיו ויראיו הקטנים עם הגדולים:

נשמחה ונגילה ונתנה לו הכבוד כי באה חתנת השה ואשתו התקדשה:

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש:

כי ליהוה המלוכה ומשל בגוים:

כסאך אלהים עולם ועד שבט מישר שבט מלכותך:

כבוד מלכותך יאמרו וגבורתך ידברו:

מלכותך מלכות כל עלמים וממשלתך בכל דור ודור:

וביומיהון די מלכיא אנון יקים אלה שמיא מלכו די לעלמין לא תתחבל ומלכותה לעם אחרן לא תשתבק תדק ותסיף כל אלין מלכותא והיא תקום לעלמיא:

תבא מלכותך יעשה רצונך כמו בשמים כן בארץ:

ויאמר אליהם כי תתפללו אמרו אבינו שבשמים יתקדש שמך תבוא מלכותך יעשה רצונך כמו בשמים כן בארץ:

והמנצח ושמר את מעשי עד עת קץ אתן לו שלטן על הגוים:

שאל ממני ואתנה גוים נחלתך ואחזתך אפסי ארץ:

ועתה מלכים השכילו הוסרו שפטי ארץ:

נשקו בר פן יאנף ותאבדו דרך כי יבער כמעט אפו אשרי כל חוסי בו:

אדני על ימינך מחץ ביום אפו מלכים:

ידין בגוים מלא גויות מחץ ראש על ארץ רבה:

ויאמר אליו ישוע אתה אמרת אבל אני אמר לכם כי מעתה תראו את בן האדם ישב לימין הגבורה ובא עם ענני השמים:

ויגש ישוע וידבר אליהם לאמר נתן לי כל שלטן בשמים ובארץ:

בשם אדנינו ישוע המשיח בהקהלתכם יחד ורוחי אתכם עם גבורת אדנינו ישוע המשיח:

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח:

ויען השטן את יהוה ויאמר החנם ירא איוב אלהים:

אולם שלח נא ידך וגע אל עצמו ואל בשרו אם לא אל פניך יברכך:

ויראני את יהושע הכהן הגדול עמד לפני מלאך יהוה והשטן עמד על ימינו לשטנו:

ויאמר יהוה אל השטן יגער יהוה בך השטן ויגער יהוה בך הבחר בירושלם הלוא זה אוד מצל מאש:

ויאמר האדון שמעון שמעון הנה תבע אתכם השטן לזרותכם כחטים:

וכן הזקנות תהי הנהגתן כאשר נאוה לקדש לא תהיינה מלשינות ולא נכבשות לסבוא יין כי אם מלמדות טוב: