וזה הוא בטחוננו אליו אשר אם נשאל דבר כפי רצונו ישמענו:

תאות ענוים שמעת יהוה תכין לבם תקשיב אזנך:

דרשתי את יהוה וענני ומכל מגורותי הצילני:

עיני יהוה אל צדיקים ואזניו אל שועתם:

צעקו ויהוה שמע ומכל צרותם הצילם:

וקראני ביום צרה אחלצך ותכבדני:

און אם ראיתי בלבי לא ישמע אדני:

אכן שמע אלהים הקשיב בקול תפלתי:

קרוב יהוה לכל קראיו לכל אשר יקראהו באמת:

רצון יראיו יעשה ואת שועתם ישמע ויושיעם:

רחוק יהוה מרשעים ותפלת צדיקים ישמע:

מסיר אזנו משמע תורה גם תפלתו תועבה:

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו:

דרשו יהוה בהמצאו קראהו בהיותו קרוב:

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח:

וקראתם אתי והלכתם והתפללתם אלי ושמעתי אליכם:

ובקשתם אתי ומצאתם כי תדרשני בכל לבבכם:

קרא אלי ואענך ואגידה לך גדלות ובצרות לא ידעתם:

שאלו וינתן לכם דרשו ותמצאו דפקו ויפתח לכם:

כי כל השאל יקבל והדרש ימצא והדפק יפתח לו:

וכל אשר תשאלו בתפלה ואתם מאמינים תקחהו:

על כן אני אמר לכם כל אשר תשאלו בהתפללכם האמינו כי תקחו ויהי לכם:

וגם אני אמר לכם שאלו וינתן לכם דרשו ותמצאו דפקו ויפתח לכם:

ומי בכם האב אשר ישאל ממנו בנו לחם ונתן לו אבן ואם דג היתן לו נחש תחת הדג:

הן אתם הרעים ידעים לתת מתנות טבות לבניכם אף כי האב מן השמים יתן את רוח הקדש לשאלים מאתו:

והנה ידענו כי את החטאים לא ישמע אל כי אם את ירא האלהים ועשה רצונו אתו ישמע:

וכל אשר תשאלו בשמי אעשנו למען יכבד האב בבנו:

והיה אם תעמדו בי ודברי יהיו בכם ככל חפצכם תשאלו ויעשה לכם:

וביום ההוא לא תשאלוני דבר אמן אמן אני אמר לכם כי כל אשר תשאלו מאת אבי בשמי יתננו לכם:

עד עתה לא שאלתם דבר בשמי שאלו ותקחו למען תמלא שמחתכם:

ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו:

התודו עונותיכם איש לפני רעהו והתפללו איש בעד רעהו למען תרפאו כי גדול כח תפלת הצדיק הקרא אל אלהים בחזקה:

וזאת היא מצותו להאמין בשם בנו ישוע המשיח ולאהבה איש את רעהו כאשר צונו:

והשמר את מצותיו יקום בו והוא בו ובזאת נדע כי הוא שכן בנו ברוח אשר נתן לנו:

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע:

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע:

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון:

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו:

לכן עתה אחרי עבר אלהים על ימות הסכלות מצוה הוא את כל בני האדם בכל אפסי ארץ כי שוב ישובו:

ואעיד ליהודים וליונים את התשובה לאלהים ואת האמונה באדנינו ישוע המשיח:

ויען ישוע ויאמר אליהם זאת פעלת אלהים כי תאמינו בזה אשר הוא שלחו:

ואשר שלח אתי הוא עמדי האב לא עזבני לבדד כי את הטוב בעיניו אני עשה תמיד:

והנה ידענו כי את החטאים לא ישמע אל כי אם את ירא האלהים ועשה רצונו אתו ישמע:

ואני קבלתי את הכל ויש לי די והותר ואני נמלאתי ריח ניחח בקבלי מידי אפפרודיטוס את כל אשר שלחתם זבח ערב ורצוי לאלהים:

להתהלך כטוב בעיני האדון וככל רצונו ולעשות פרי בכל מעשה טוב ולרבות בדעת אלהים:

הוא ישלימכם בכל מעשה טוב לעשות רצונו בפעלו בכם את הרצוי לפניו ביד ישוע המשיח אשר לו הכבוד לעולמי עולמים אמן: