לפנים הארץ יסדת ומעשה ידיך שמים:

ואתה הוא ושנותיך לא יתמו:

בראשית ברא אלהים את השמים ואת הארץ:

בראשית היה הדבר והדבר היה את האלהים ואלהים היה הדבר:

הכל נהיה על ידו ומבלעדיו לא נהיה כל אשר נהיה:

ואל מלאך קהל לודקיא כתב כה אמר האמן העד הנאמן והאמתי ראשית בריאת האלהים:

בשומו לים חקו ומים לא יעברו פיו בחוקו מוסדי ארץ:

כה אמר האל יהוה בורא השמים ונוטיהם רקע הארץ וצאצאיה נתן נשמה לעם עליה ורוח להלכים בה:

אף ידי יסדה ארץ וימיני טפחה שמים קרא אני אליהם יעמדו יחדו:

ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק:

אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר:

משא דבר יהוה על ישראל נאם יהוה נטה שמים ויסד ארץ ויצר רוח אדם בקרבו:

ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם אשר חלק יהוה אלהיך אתם לכל העמים תחת כל השמים:

כי אראה שמיך מעשי אצבעתיך ירח וכוכבים אשר כוננתה:

מה אנוש כי תזכרנו ובן אדם כי תפקדנו:

למנצח מזמור לדוד השמים מספרים כבוד אל ומעשה ידיו מגיד הרקיע:

ועתה יהוה אבינו אתה אנחנו החמר ואתה יצרנו ומעשה ידך כלנו: