keep thy soul
Deuteronomy 4:15
ונשמרתם מאד לנפשתיכם כי לא ראיתם כל תמונה ביום דבר יהוה אליכם בחרב מתוך האש:
Deuteronomy 4:23
השמרו לכם פן תשכחו את ברית יהוה אלהיכם אשר כרת עמכם ועשיתם לכם פסל תמונת כל אשר צוך יהוה אלהיך:
Proverbs 3:1
בני תורתי אל תשכח ומצותי יצר לבך:
Proverbs 3:3
חסד ואמת אל יעזבך קשרם על גרגרותיך כתבם על לוח לבך:
Proverbs 4:20-23
20
בני לדברי הקשיבה לאמרי הט אזנך:
21
אל יליזו מעיניך שמרם בתוך לבבך:
22
כי חיים הם למצאיהם ולכל בשרו מרפא:
23
מכל משמר נצר לבך כי ממנו תוצאות חיים:
Luke 8:18
לכן ראו איך תשמעון כי כל אשר יש לו נתון ינתן לו וכל אשר אין לו גם את אשר הוא חשב להיות לו יקח ממנו:
Hebrews 2:3
איך נמלט אנחנו אם לא נשים לב לתשועה גדולה אשר כזאת הנאמרה מתחלה בפי האדון ותקים לנו על ידי שמעיה:
James 2:22
הנך ראה כי היתה האמונה עזרת למעשיו ומתוך המעשים השלמה האמונה:
lest they
Joshua 1:18
כל איש אשר ימרה את פיך ולא ישמע את דבריך לכל אשר תצונו יומת רק חזק ואמץ:
Psalm 119:11
בלבי צפנתי אמרתך למען לא אחטא לך:
Proverbs 3:1-3
1
בני תורתי אל תשכח ומצותי יצר לבך:
2
כי ארך ימים ושנות חיים ושלום יוסיפו לך:
3
חסד ואמת אל יעזבך קשרם על גרגרותיך כתבם על לוח לבך:
Proverbs 3:21-3
Proverbs 4:4
וירני ויאמר לי יתמך דברי לבך שמר מצותי וחיה:
Proverbs 7:1
בני שמר אמרי ומצותי תצפן אתך:
Hebrews 2:1
לכן אנחנו חיבים ביותר להכין לבבנו אל אשר שמענו פן ילוז ויאבד ממנו:
Revelation 3:3
זכור את אשר קבלת ושמעת ושמרה זאת ושובה ואם לא תשקד הנני בא עליך כגנב ולא תדע באי זו שעה אבא עליך:
teach them
Deuteronomy 6:7
ושננתם לבניך ודברת בם בשבתך בביתך ובלכתך בדרך ובשכבך ובקומך:
Deuteronomy 11:19
ולמדתם אתם את בניכם לדבר בם בשבתך בביתך ובלכתך בדרך ובשכבך ובקומך:
Deuteronomy 29:29
הנסתרת ליהוה אלהינו והנגלת לנו ולבנינו עד עולם לעשות את כל דברי התורה הזאת:
Deuteronomy 31:19
ועתה כתבו לכם את השירה הזאת ולמדה את בני ישראל שימה בפיהם למען תהיה לי השירה הזאת לעד בבני ישראל:
Genesis 18:19
כי ידעתיו למען אשר יצוה את בניו ואת ביתו אחריו ושמרו דרך יהוה לעשות צדקה ומשפט למען הביא יהוה על אברהם את אשר דבר עליו:
Exodus 13:8
והגדת לבנך ביום ההוא לאמר בעבור זה עשה יהוה לי בצאתי ממצרים:
Exodus 13:9
והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים:
Exodus 13:14-16
14
והיה כי ישאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים:
15
ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה:
16
והיה לאות על ידכה ולטוטפת בין עיניך כי בחזק יד הוציאנו יהוה ממצרים:
Joshua 4:6
למען תהיה זאת אות בקרבכם כי ישאלון בניכם מחר לאמר מה האבנים האלה לכם:
Joshua 4:7
ואמרתם להם אשר נכרתו מימי הירדן מפני ארון ברית יהוה בעברו בירדן נכרתו מי הירדן והיו האבנים האלה לזכרון לבני ישראל עד עולם:
Joshua 4:21
ויאמר אל בני ישראל לאמר אשר ישאלון בניכם מחר את אבותם לאמר מה האבנים האלה:
Psalm 34:11-16
11
לכו בנים שמעו לי יראת יהוה אלמדכם:
12
מי האיש החפץ חיים אהב ימים לראות טוב:
13
נצר לשונך מרע ושפתיך מדבר מרמה:
14
סור מרע ועשה טוב בקש שלום ורדפהו:
15
עיני יהוה אל צדיקים ואזניו אל שועתם:
16
פני יהוה בעשי רע להכרית מארץ זכרם:
Psalm 71:18
וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך:
Psalm 78:3-8
3
אשר שמענו ונדעם ואבותינו ספרו לנו:
4
לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה:
5
ויקם עדות ביעקב ותורה שם בישראל אשר צוה את אבותינו להודיעם לבניהם:
6
למען ידעו דור אחרון בנים יולדו יקמו ויספרו לבניהם:
7
וישימו באלהים כסלם ולא ישכחו מעללי אל ומצותיו ינצרו:
8
ולא יהיו כאבותם דור סורר ומרה דור לא הכין לבו ולא נאמנה את אל רוחו:
Proverbs 1:8
שמע בני מוסר אביך ואל תטש תורת אמך:
Proverbs 4:1-13
1
שמעו בנים מוסר אב והקשיבו לדעת בינה:
2
כי לקח טוב נתתי לכם תורתי אל תעזבו:
3
כי בן הייתי לאבי רך ויחיד לפני אמי:
4
וירני ויאמר לי יתמך דברי לבך שמר מצותי וחיה:
5
קנה חכמה קנה בינה אל תשכח ואל תט מאמרי פי:
6
אל תעזבה ותשמרך אהבה ותצרך:
7
ראשית חכמה קנה חכמה ובכל קנינך קנה בינה:
8
סלסלה ותרוממך תכבדך כי תחבקנה:
9
תתן לראשך לוית חן עטרת תפארת תמגנך:
10
שמע בני וקח אמרי וירבו לך שנות חיים:
11
בדרך חכמה הרתיך הדרכתיך במעגלי ישר:
12
בלכתך לא יצר צעדך ואם תרוץ לא תכשל:
13
החזק במוסר אל תרף נצרה כי היא חייך:
Proverbs 23:26
תנה בני לבך לי ועיניך דרכי תרצנה:
Isaiah 38:19
חי חי הוא יודך כמוני היום אב לבנים יודיע אל אמתך:
Ephesians 6:4
ואתם האבות אל תכעיסו את בניכם אך גדלום במוסר אדנינו ובתוכחתו: