ואמרת כה אמר המלך שימו את זה בית הכלא והאכילהו לחם לחץ ומים לחץ עד באי בשלום:

ויקצפו השרים על ירמיהו והכו אתו ונתנו אותו בית האסור בית יהונתן הספר כי אתו עשו לבית הכלא:

כי בא ירמיהו אל בית הבור ואל החניות וישב שם ירמיהו ימים רבים:

ואמרת אליהם מפיל אני תחנתי לפני המלך לבלתי השיבני בית יהונתן למות שם:

צמתו בבור חיי וידו אבן בי:

קראתי שמך יהוה מבור תחתיות:

ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא:

ותשם בסד רגלי ותשמור כל ארחותי על שרשי רגלי תתחקה:

ישם בסד רגלי ישמר כל ארחתי:

ענו בכבל רגליו ברזל באה נפשו:

ויכה פשחור את ירמיהו הנביא ויתן אתו על המהפכת אשר בשער בנימן העליון אשר בבית יהוה:

יהוה נתנך כהן תחת יהוידע הכהן להיות פקדים בית יהוה לכל איש משגע ומתנבא ונתתה אתו אל המהפכת ואל הצינק: