ויאמר שלחני כי עלה השחר ויאמר לא אשלחך כי אם ברכתני:

החזק במוסר אל תרף נצרה כי היא חייך:

כמעט שעברתי מהם עד שמצאתי את שאהבה נפשי אחזתיו ולא ארפנו עד שהביאתיו אל בית אמי ואל חדר הורתי:

מקוה ישראל מושיעו בעת צרה למה תהיה כגר בארץ וכארח נטה ללון:

ויבקש ממנו האיש אשר יצאו ממנו השדים לשבת אתו וישלח אתו ישוע באמרו:

ולה היתה אחות ושמה מרים אשר ישבה לרגלי ישוע לשמע אל דברו:

ויפצרו בו לאמר שבה אתנו כי עת ערב הגיע ונטה היום ויבא הביתה לשבת אתם:

ותטבל היא ובני ביתה ותבקש ממנו לאמר אם חשבתם אתי נאמנה לאדון באו נא אל ביתי ושבו בו ותפצר בנו:

ויהי בבאו אל המקום ההוא ויבט ישוע ויראהו ויאמר אליו זכי רד מהר כי צריך אני לשבת היום בביתך:

וילונו כל הראים לאמר בא ללון בבית איש חוטא:

ויאמר אליו ישוע היום היתה תשועה לבית הזה באשר בן אברהם גם הוא:

ואנחנו כעזרים נזהירה אתכם שלא תקבלו לריק את חסד אלהים:

כי הוא אומר בעת רצון עניתיך וביום ישועה עזרתיך הנה עתה עת רצון הנה עתה יום ישועה:

]12-02[: