רבים אמרים לנפשי אין ישועתה לו באלהים סלה:

עצת עני תבישו כי יהוה מחסהו:

גל אל יהוה יפלטהו יצילהו כי חפץ בו:

ברצח בעצמותי חרפוני צוררי באמרם אלי כל היום איה אלהיך:

לאמר אלהים עזבו רדפו ותפשוהו כי אין מציל:

ואל יבטח אתכם חזקיהו אל יהוה לאמר הצל יצילנו יהוה לא תנתן העיר הזאת ביד מלך אשור:

פן יסית אתכם חזקיהו לאמר יהוה יצילנו ההצילו אלהי הגוים איש את ארצו מיד מלך אשור:

כה תאמרון אל חזקיהו מלך יהודה לאמר אל ישאך אלהיך אשר אתה בוטח בו לאמר לא תנתן ירושלם ביד מלך אשור:

ויאמרו אתה ההרס את ההיכל ובנהו בשלשת ימים הושע לנפשך ואם בן האלהים אתה רדה מן הצלב:

כי ככה אהב האלהים את העולם עד אשר נתן את בנו את יחידו למען לא יאבד כל המאמין בו כי אם יחיה חיי עולמים:

כי האלהים לא שלח את בנו אל העולם לדין את העולם כי אם למען יושע בו העולם:

ויען אתם ישוע אבי פעל עד עתה וגם אנכי פעל:

ויען ישוע ויאמר אליהם אמן אמן אני אמר לכם לא יוכל הבן לעשות דבר מנפשו בלתי את אשר יראה את אביו עשה כי את אשר עשה הוא גם הבן יעשה כמהו:

כי כאשר האב יעיר ויחיה את המתים כן גם הבן יחיה את אשר יחפץ:

מי אשר לא יכבד את הבן גם את האב אשר שלחו איננו מכבד:

אמן אמן אני אמר לכם כי תבוא שעה ועתה היא אשר ישמעו המתים את קול בן האלהים והשמעים חיה יחיו:

אני ואבי אחד אנחנו:

ואיך תאמרו על אשר קדשו האב ושלחו לעולם מגדף אתה יען אמרתי בן אלהים אני:

ויענו היהודים תורה יש לנו ועל פי תורתנו חיב מות הוא כי עשה עצמו לבן אלהים: