והנפל על האבן ההיא ישבר ואשר תפל עליו תשחקהו:

ואמרתם אם היינו בימי אבותינו לא היתה ידנו עמהם לשפך דם הנביאים:

אף אתם מלאו סאת אבותיכם:

לכן הנני שלח לכם נביאים וחכמים וסופרים ומהם תהרגו ותצלבו ומהם תכו בשוטים בבתי כנסיותיכם ותרדפום מעיר לעיר:

אמן אמר אני לכם בא יבא כל אלה על הדור הזה:

ולא תחניפו את הארץ אשר אתם בה כי הדם הוא יחניף את הארץ ולארץ לא יכפר לדם אשר שפך בה כי אם בדם שפכו:

ולא ישפך דם נקי בקרב ארצך אשר יהוה אלהיך נתן לך נחלה והיה עליך דמים:

לא תחוס עינך עליו ובערת דם הנקי מישראל וטוב לך:

והיה כל אשר יצא מדלתי ביתך החוצה דמו בראשו ואנחנו נקים וכל אשר יהיה אתך בבית דמו בראשנו אם יד תהיה בו:

ויאמר אליו דוד דמיך על ראשך כי פיך ענה בך לאמר אנכי מתתי את משיח יהוה:

וישמע דוד מאחרי כן ויאמר נקי אנכי וממלכתי מעם יהוה עד עולם מדמי אבנר בן נר:

יחלו על ראש יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב וחסר לחם:

והשיב יהוה את דמו על ראשו אשר פגע בשני אנשים צדקים וטבים ממנו ויהרגם בחרב ואבי דוד לא ידע את אבנר בן נר שר צבא ישראל ואת עמשא בן יתר שר צבא יהודה:

אך על פי יהוה היתה ביהודה להסיר מעל פניו בחטאת מנשה ככל אשר עשה:

וגם דם הנקי אשר שפך וימלא את ירושלם דם נקי ולא אבה יהוה לסלח:

אל יהי לו משך חסד ואל יהי חונן ליתומיו:

יזכר עון אבתיו אל יהוה וחטאת אמו אל תמח:

יען אשר לא זכר עשות חסד וירדף איש עני ואביון ונכאה לבב למותת:

וילבש קללה כמדו ותבא כמים בקרבו וכשמן בעצמותיו:

ואתה בן אדם התשפט התשפט את עיר הדמים והודעתה את כל תועבותיה:

בדמך אשר שפכת אשמת ובגלוליך אשר עשית טמאת ותקריבי ימיך ותבוא עד שנותיך על כן נתתיך חרפה לגוים וקלסה לכל הארצות:

כי דמה בתוכה היה על צחיח סלע שמתהו לא שפכתהו על הארץ לכסות עליו עפר:

לכן כה אמר אדני יהוה אוי עיר הדמים גם אני אגדיל המדורה:

הלא צוה צוינו עליכם לבלתי למד בשם הזה והנה מלאתם את ירושלים תורתכם ותחפצו להביא עלינו את דמי האיש הזה:

מי מהנביאים אשר לא רדפוהו אבותיכם אף המיתו את המבשרים מקדם ביאת הצדיק אשר עתה הייתם אתם מוסריו ומרצחיו:

אשר אף המיתו את האדון ישוע ואת נביאיהם ואותנו רדפו ואינם טובים בעיני אלהים ואיבים לכל אדם:

המנעים אתנו מדבר אל הגוים כי יושעו למען אשר ימלאו את חטאתיהם בכל עת וישיגם החרון עד לכלה:

הן איש כי יפר תורת משה מות ימות בלי חמלה על פי שנים עדים או שלשה:

כי ידענו את האמר לי נקם ושלם ועוד כי ידין יהוה עמו:

לא תשתחוה להם ולא תעבדם כי אנכי יהוה אלהיך אל קנא פקד עון אבת על בנים על שלשים ועל רבעים לשנאי:

והנה הוליד בן וירא את כל חטאת אביו אשר עשה וירא ולא יעשה כהן:

ואיש לא הונה חבל לא חבל וגזלה לא גזל לחמו לרעב נתן וערום כסה בגד:

אביו כי עשק עשק גזל גזל אח ואשר לא טוב עשה בתוך עמיו והנה מת בעונו:

הנפש החטאת היא תמות בן לא ישא בעון האב ואב לא ישא בעון הבן צדקת הצדיק עליו תהיה ורשעת רשע עליו תהיה:

כל פשעיו אשר עשה לא יזכרו לו בצדקתו אשר עשה יחיה:

ובשוב צדיק מצדקתו ועשה עול ככל התועבות אשר עשה הרשע יעשה וחי כל צדקתו אשר עשה לא תזכרנה במעלו אשר מעל ובחטאתו אשר חטא בם ימות:

בשוב צדיק מצדקתו ועשה עול ומת עליהם בעולו אשר עשה ימות:

ויראה וישוב מכל פשעיו אשר עשה חיו יחיה לא ימות:

לכן איש כדרכיו אשפט אתכם בית ישראל נאם אדני יהוה שובו והשיבו מכל פשעיכם ולא יהיה לכם למכשול עון:

כי לא אחפץ במות המת נאם אדני יהוה והשיבו וחיו: