ואתה הפקד את הלוים על משכן העדת ועל כל כליו ועל כל אשר לו המה ישאו את המשכן ואת כל כליו והם ישרתהו וסביב למשכן יחנו:

וחנו בני ישראל איש על מחנהו ואיש על דגלו לצבאתם:

הקרב את מטה לוי והעמדת אתו לפני אהרן הכהן ושרתו אתו:

ושמרו את כל כלי אהל מועד ואת משמרת בני ישראל לעבד את עבדת המשכן:

ואת אהרן ואת בניו תפקד ושמרו את כהנתם והזר הקרב יומת:

ואני הנה לקחתי את הלוים מתוך בני ישראל תחת כל בכור פטר רחם מבני ישראל והיו לי הלוים:

וידבר יהוה אל משה במדבר סיני לאמר:

ויפקד אתם משה על פי יהוה כאשר צוה:

ואלה שמות בני גרשון למשפחתם לבני ושמעי:

ובני מררי למשפחתם מחלי ומושי אלה הם משפחת הלוי לבית אבתם:

פקדיהם במספר כל זכר מבן חדש ומעלה פקדיהם שבעת אלפים וחמש מאות:

ונשיא בית אב לגרשני אליסף בן לאל:

וקלעי החצר ואת מסך פתח החצר אשר על המשכן ועל המזבח סביב ואת מיתריו לכל עבדתו:

במספר כל זכר מבן חדש ומעלה שמנת אלפים ושש מאות שמרי משמרת הקדש:

ונשיא בית אב למשפחת הקהתי אליצפן בן עזיאל:

ונשיא נשיאי הלוי אלעזר בן אהרן הכהן פקדת שמרי משמרת הקדש:

ופקדיהם במספר כל זכר מבן חדש ומעלה ששת אלפים ומאתים:

ופקדת משמרת בני מררי קרשי המשכן ובריחיו ועמדיו ואדניו וכל כליו וכל עבדתו:

והחנים לפני המשכן קדמה לפני אהל מועד מזרחה משה ואהרן ובניו שמרים משמרת המקדש למשמרת בני ישראל והזר הקרב יומת:

ויאמר יהוה אל משה פקד כל בכר זכר לבני ישראל מבן חדש ומעלה ושא את מספר שמתם:

ויפקד משה כאשר צוה יהוה אתו את כל בכר בבני ישראל: