ואלה תולדת אהרן ומשה ביום דבר יהוה את משה בהר סיני:

אלה שמות בני אהרן הכהנים המשחים אשר מלא ידם לכהן:

וידבר יהוה אל משה לאמר:

ושמרו את משמרתו ואת משמרת כל העדה לפני אהל מועד לעבד את עבדת המשכן:

ונתתה את הלוים לאהרן ולבניו נתונם נתונם המה לו מאת בני ישראל:

וכלה אהרן ובניו לכסת את הקדש ואת כל כלי הקדש בנסע המחנה ואחרי כן יבאו בני קהת לשאת ולא יגעו אל הקדש ומתו אלה משא בני קהת באהל מועד:

ונשאו את יריעת המשכן ואת אהל מועד מכסהו ומכסה התחש אשר עליו מלמעלה ואת מסך פתח אהל מועד:

על פי אהרן ובניו תהיה כל עבדת בני הגרשני לכל משאם ולכל עבדתם ופקדתם עלהם במשמרת את כל משאם:

בני מררי למשפחתם לבית אבתם תפקד אתם:

וזאת משמרת משאם לכל עבדתם באהל מועד קרשי המשכן ובריחיו ועמודיו ואדניו:

זאת עבדת משפחת בני מררי לכל עבדתם באהל מועד ביד איתמר בן אהרן הכהן:

ויתן אל משה ככלתו לדבר אתו בהר סיני שני לחת העדת לחת אבן כתבים באצבע אלהים:

ויעמד משה בשער המחנה ויאמר מי ליהוה אלי ויאספו אליו כל בני לוי:

ויעשו בני לוי כדבר משה ויפל מן העם ביום ההוא כשלשת אלפי איש:

אלה פקודי המשכן משכן העדת אשר פקד על פי משה עבדת הלוים ביד איתמר בן אהרן הכהן:

ודויד זקן ושבע ימים וימלך את שלמה בנו על ישראל:

ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף:

וארבעת אלפים שערים וארבעת אלפים מהללים ליהוה בכלים אשר עשיתי להלל:

לגרשני לעדן ושמעי:

בני שמעי שלמות וחזיאל והרן שלשה אלה ראשי האבות ללעדן:

ויהי יחת הראש וזיזה השני ויעוש ובריעה לא הרבו בנים ויהיו לבית אב לפקדה אחת:

בני עמרם אהרן ומשה ויבדל אהרן להקדישו קדש קדשים הוא ובניו עד עולם להקטיר לפני יהוה לשרתו ולברך בשמו עד עולם:

בני משה גרשם ואליעזר:

ויהיו בני אליעזר רחביה הראש ולא היה לאליעזר בנים אחרים ובני רחביה רבו למעלה:

בני חברון יריהו הראש אמריה השני יחזיאל השלישי ויקמעם הרביעי:

בני מררי מחלי ומושי בני מחלי אלעזר וקיש:

בני מושי מחלי ועדר וירמות שלשה:

כי אמר דויד הניח יהוה אלהי ישראל לעמו וישכן בירושלם עד לעולם:

כי בדברי דויד האחרנים המה מספר בני לוי מבן עשרים שנה ולמעלה:

וללחם המערכת ולסלת למנחה ולרקיקי המצות ולמחבת ולמרבכת ולכל משורה ומדה:

ולכל העלות עלות ליהוה לשבתות לחדשים ולמעדים במספר כמשפט עליהם תמיד לפני יהוה:

ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם:

לידותון בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה:

כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשר ובנות שלוש:

ויהי מספרם עם אחיהם מלמדי שיר ליהוה כל המבין מאתים שמונים ושמונה:

ויצא הגורל הראשון לאסף ליוסף גדליהו השני הוא ואחיו ובניו שנים עשר:

הרביעי ליצרי בניו ואחיו שנים עשר:

הששי בקיהו בניו ואחיו שנים עשר:

השמיני ישעיהו בניו ואחיו שנים עשר:

העשירי שמעי בניו ואחיו שנים עשר:

השנים עשר לחשביה בניו ואחיו שנים עשר:

לארבעה עשר מתתיהו בניו ואחיו שנים עשר:

לששה עשר לחנניהו בניו ואחיו שנים עשר:

לשמונה עשר לחנני בניו ואחיו שנים עשר:

ואשקולה להם את הכסף ואת הזהב ואת הכלים תרומת בית אלהינו ההרימו המלך ויעציו ושריו וכל ישראל הנמצאים:

וכפרי זהב עשרים לאדרכנים אלף וכלי נחשת מצהב טובה שנים חמודת כזהב:

שקדו ושמרו עד תשקלו לפני שרי הכהנים והלוים ושרי האבות לישראל בירושלם הלשכות בית יהוה:

והלוים ישוע בנוי קדמיאל שרביה יהודה מתניה על הידות הוא ואחיו:

הלוים בימי אלישיב יוידע ויוחנן וידוע כתובים ראשי אבות והכהנים על מלכות דריוש הפרסי:

וכל ישראל בימי זרבבל ובימי נחמיה נתנים מניות המשררים והשערים דבר יום ביומו ומקדשים ללוים והלוים מקדשים לבני אהרן:

ויעש לו לשכה גדולה ושם היו לפנים נתנים את המנחה הלבונה והכלים ומעשר הדגן התירוש והיצהר מצות הלוים והמשררים והשערים ותרומת הכהנים:

ואדעה כי מניות הלוים לא נתנה ויברחו איש לשדהו הלוים והמשררים עשי המלאכה:

וכל יהודה הביאו מעשר הדגן והתירוש והיצהר לאוצרות:

והלוים יחנו סביב למשכן העדת ולא יהיה קצף על עדת בני ישראל ושמרו הלוים את משמרת משכן העדות:

וירם משה את ידו ויך את הסלע במטהו פעמים ויצאו מים רבים ותשת העדה ובעירם:

ויתן אל משה ככלתו לדבר אתו בהר סיני שני לחת העדת לחת אבן כתבים באצבע אלהים:

אלה פקודי המשכן משכן העדת אשר פקד על פי משה עבדת הלוים ביד איתמר בן אהרן הכהן:

ששם עלו שבטים שבטי יה עדות לישראל להדות לשם יהוה:

ונסע אהל מועד מחנה הלוים בתוך המחנת כאשר יחנו כן יסעו איש על ידו לדגליהם:

משפחת הגרשני אחרי המשכן יחנו ימה:

ומשמרת בני גרשון באהל מועד המשכן והאהל מכסהו ומסך פתח אהל מועד:

ולקהת משפחת העמרמי ומשפחת היצהרי ומשפחת החברני ומשפחת העזיאלי אלה הם משפחת הקהתי:

משפחת בני קהת יחנו על ירך המשכן תימנה:

ומשמרתם הארן והשלחן והמנרה והמזבחת וכלי הקדש אשר ישרתו בהם והמסך וכל עבדתו:

למררי משפחת המחלי ומשפחת המושי אלה הם משפחת מררי:

ונשיא בית אב למשפחת מררי צוריאל בן אביחיל על ירך המשכן יחנו צפנה:

ועמדי החצר סביב ואדניהם ויתדתם ומיתריהם:

ונסעו הקהתים נשאי המקדש והקימו את המשכן עד באם: