מבן עשרים שנה ומעלה כל יצא צבא בישראל תפקדו אתם לצבאתם אתה ואהרן:

ואתה הפקד את הלוים על משכן העדת ועל כל כליו ועל כל אשר לו המה ישאו את המשכן ואת כל כליו והם ישרתהו וסביב למשכן יחנו:

והלוים לא התפקדו בתוך בני ישראל כאשר צוה יהוה את משה:

ואלה תולדת אהרן ומשה ביום דבר יהוה את משה בהר סיני:

אלה שמות בני אהרן הכהנים המשחים אשר מלא ידם לכהן:

וידבר יהוה אל משה לאמר:

ושמרו את משמרתו ואת משמרת כל העדה לפני אהל מועד לעבד את עבדת המשכן:

ונתתה את הלוים לאהרן ולבניו נתונם נתונם המה לו מאת בני ישראל:

וידבר יהוה אל משה לאמר:

כי לי כל בכור ביום הכתי כל בכור בארץ מצרים הקדשתי לי כל בכור בישראל מאדם עד בהמה לי יהיו אני יהוה:

פקד את בני לוי לבית אבתם למשפחתם כל זכר מבן חדש ומעלה תפקדם:

ויהיו אלה בני לוי בשמתם גרשון וקהת ומררי:

ובני קהת למשפחתם עמרם ויצהר חברון ועזיאל:

לגרשון משפחת הלבני ומשפחת השמעי אלה הם משפחת הגרשני:

משפחת הגרשני אחרי המשכן יחנו ימה:

ומשמרת בני גרשון באהל מועד המשכן והאהל מכסהו ומסך פתח אהל מועד:

ולקהת משפחת העמרמי ומשפחת היצהרי ומשפחת החברני ומשפחת העזיאלי אלה הם משפחת הקהתי:

משפחת בני קהת יחנו על ירך המשכן תימנה:

ומשמרתם הארן והשלחן והמנרה והמזבחת וכלי הקדש אשר ישרתו בהם והמסך וכל עבדתו:

למררי משפחת המחלי ומשפחת המושי אלה הם משפחת מררי:

ונשיא בית אב למשפחת מררי צוריאל בן אביחיל על ירך המשכן יחנו צפנה:

ועמדי החצר סביב ואדניהם ויתדתם ומיתריהם:

כל פקודי הלוים אשר פקד משה ואהרן על פי יהוה למשפחתם כל זכר מבן חדש ומעלה שנים ועשרים אלף:

ולקחת את הלוים לי אני יהוה תחת כל בכר בבני ישראל ואת בהמת הלוים תחת כל בכור בבהמת בני ישראל:

ויהי כל בכור זכר במספר שמות מבן חדש ומעלה לפקדיהם שנים ועשרים אלף שלשה ושבעים ומאתים:

קח את הלוים תחת כל בכור בבני ישראל ואת בהמת הלוים תחת בהמתם והיו לי הלוים אני יהוה:

ולקחת חמשת חמשת שקלים לגלגלת בשקל הקדש תקח עשרים גרה השקל:

ויקח משה את כסף הפדיום מאת העדפים על פדויי הלוים:

ויתן משה את כסף הפדים לאהרן ולבניו על פי יהוה כאשר צוה יהוה את משה:

וידבר יהוה אל משה ואל אהרן לאמר:

מבן שלשים שנה ומעלה ועד בן חמשים שנה כל בא לצבא לעשות מלאכה באהל מועד:

ובא אהרן ובניו בנסע המחנה והורדו את פרכת המסך וכסו בה את ארן העדת:

ועל שלחן הפנים יפרשו בגד תכלת ונתנו עליו את הקערת ואת הכפת ואת המנקית ואת קשות הנסך ולחם התמיד עליו יהיה:

ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שמנה אשר ישרתו לה בהם:

ועל מזבח הזהב יפרשו בגד תכלת וכסו אתו במכסה עור תחש ושמו את בדיו:

ודשנו את המזבח ופרשו עליו בגד ארגמן:

וכלה אהרן ובניו לכסת את הקדש ואת כל כלי הקדש בנסע המחנה ואחרי כן יבאו בני קהת לשאת ולא יגעו אל הקדש ומתו אלה משא בני קהת באהל מועד:

וידבר יהוה אל משה ואל אהרן לאמר:

וזאת עשו להם וחיו ולא ימתו בגשתם את קדש הקדשים אהרן ובניו יבאו ושמו אותם איש איש על עבדתו ואל משאו:

וידבר יהוה אל משה לאמר:

מבן שלשים שנה ומעלה עד בן חמשים שנה תפקד אותם כל הבא לצבא צבא לעבד עבדה באהל מועד:

ונשאו את יריעת המשכן ואת אהל מועד מכסהו ומכסה התחש אשר עליו מלמעלה ואת מסך פתח אהל מועד:

על פי אהרן ובניו תהיה כל עבדת בני הגרשני לכל משאם ולכל עבדתם ופקדתם עלהם במשמרת את כל משאם:

בני מררי למשפחתם לבית אבתם תפקד אתם:

וזאת משמרת משאם לכל עבדתם באהל מועד קרשי המשכן ובריחיו ועמודיו ואדניו:

זאת עבדת משפחת בני מררי לכל עבדתם באהל מועד ביד איתמר בן אהרן הכהן:

מבן שלשים שנה ומעלה ועד בן חמשים שנה כל הבא לצבא לעבדה באהל מועד:

אלה פקודי משפחת הקהתי כל העבד באהל מועד אשר פקד משה ואהרן על פי יהוה ביד משה:

מבן שלשים שנה ומעלה ועד בן חמשים שנה כל הבא לצבא לעבדה באהל מועד:

אלה פקודי משפחת בני גרשון כל העבד באהל מועד אשר פקד משה ואהרן על פי יהוה:

מבן שלשים שנה ומעלה ועד בן חמשים שנה כל הבא לצבא לעבדה באהל מועד:

אלה פקודי משפחת בני מררי אשר פקד משה ואהרן על פי יהוה ביד משה:

מבן שלשים שנה ומעלה ועד בן חמשים שנה כל הבא לעבד עבדת עבדה ועבדת משא באהל מועד:

על פי יהוה פקד אותם ביד משה איש איש על עבדתו ועל משאו ופקדיו אשר צוה יהוה את משה:

וידבר יהוה אל משה לאמר:

ויעש כן אהרן אל מול פני המנורה העלה נרתיה כאשר צוה יהוה את משה:

וידבר יהוה אל משה לאמר:

וכה תעשה להם לטהרם הזה עליהם מי חטאת והעבירו תער על כל בשרם וכבסו בגדיהם והטהרו:

והקרבת את הלוים לפני אהל מועד והקהלת את כל עדת בני ישראל:

והניף אהרן את הלוים תנופה לפני יהוה מאת בני ישראל והיו לעבד את עבדת יהוה:

והעמדת את הלוים לפני אהרן ולפני בניו והנפת אתם תנופה ליהוה:

ואחרי כן יבאו הלוים לעבד את אהל מועד וטהרת אתם והנפת אתם תנופה:

כי לי כל בכור בבני ישראל באדם ובבהמה ביום הכתי כל בכור בארץ מצרים הקדשתי אתם לי:

ואתנה את הלוים נתנים לאהרן ולבניו מתוך בני ישראל לעבד את עבדת בני ישראל באהל מועד ולכפר על בני ישראל ולא יהיה בבני ישראל נגף בגשת בני ישראל אל הקדש:

ויתחטאו הלוים ויכבסו בגדיהם וינף אהרן אתם תנופה לפני יהוה ויכפר עליהם אהרן לטהרם:

וידבר יהוה אל משה לאמר:

ומבן חמשים שנה ישוב מצבא העבדה ולא יעבד עוד:

ואלה פקודי הלוי למשפחתם לגרשון משפחת הגרשני לקהת משפחת הקהתי למררי משפחת המררי:

ושם אשת עמרם יוכבד בת לוי אשר ילדה אתה ללוי במצרים ותלד לעמרם את אהרן ואת משה ואת מרים אחתם:

וימת נדב ואביהוא בהקריבם אש זרה לפני יהוה:

בני לוי גרשון קהת ומררי:

ובני עמרם אהרן ומשה ומרים ובני אהרן נדב ואביהוא אלעזר ואיתמר:

ואבישוע הוליד את בקי ובקי הוליד את עזי:

מריות הוליד את אמריה ואמריה הוליד את אחיטוב:

ואחימעץ הוליד את עזריה ועזריה הוליד את יוחנן:

ויולד עזריה את אמריה ואמריה הוליד את אחיטוב:

ושלום הוליד את חלקיה וחלקיה הוליד את עזריה:

ויהוצדק הלך בהגלות יהוה את יהודה וירושלם ביד נבכדנאצר:

ואלה שמות בני גרשום לבני ושמעי:

בני מררי מחלי ומשי ואלה משפחות הלוי לאבותיהם:

יואח בנו עדו בנו זרח בנו יאתרי בנו:

אלקנה בנו ואביסף בנו ואסיר בנו:

ובני אלקנה עמשי ואחימות:

אליאב בנו ירחם בנו אלקנה בנו:

בני מררי מחלי לבני בנו שמעי בנו עזה בנו:

ואלה אשר העמיד דויד על ידי שיר בית יהוה ממנוח הארון:

ואלה העמדים ובניהם מבני הקהתי הימן המשורר בן יואל בן שמואל:

בן ציף בן אלקנה בן מחת בן עמשי:

בן תחת בן אסיר בן אביסף בן קרח:

ואחיו אסף העמד על ימינו אסף בן ברכיהו בן שמעא:

בן אתני בן זרח בן עדיה:

בן יחת בן גרשם בן לוי:

בן חשביה בן אמציה בן חלקיה:

בן מחלי בן מושי בן מררי בן לוי:

ואהרן ובניו מקטירים על מזבח העולה ועל מזבח הקטרת לכל מלאכת קדש הקדשים ולכפר על ישראל ככל אשר צוה משה עבד האלהים:

בקי בנו עזי בנו זרחיה בנו:

צדוק בנו אחימעץ בנו:

ויתנו להם את חברון בארץ יהודה ואת מגרשיה סביבתיה:

ולבני אהרן נתנו את ערי המקלט את חברון ואת לבנה ואת מגרשיה ואת יתר ואת אשתמע ואת מגרשיה:

ואת עשן ואת מגרשיה ואת בית שמש ואת מגרשיה:

ולבני קהת הנותרים ממשפחת המטה ממחצית מטה חצי מנשה בגורל ערים עשר:

לבני מררי למשפחותם ממטה ראובן וממטה גד וממטה זבולן בגורל ערים שתים עשרה:

ויתנו בגורל ממטה בני יהודה וממטה בני שמעון וממטה בני בנימן את הערים האלה אשר יקראו אתהם בשמות:

ויתנו להם את ערי המקלט את שכם ואת מגרשיה בהר אפרים ואת גזר ואת מגרשיה:

ואת אילון ואת מגרשיה ואת גת רמון ואת מגרשיה:

לבני גרשום ממשפחת חצי מטה מנשה את גולן בבשן ואת מגרשיה ואת עשתרות ואת מגרשיה:

ואת ראמות ואת מגרשיה ואת ענם ואת מגרשיה:

ואת חוקק ואת מגרשיה ואת רחב ואת מגרשיה:

לבני מררי הנותרים ממטה זבולן את רמונו ואת מגרשיה את תבור ואת מגרשיה:

ואת קדמות ואת מגרשיה ואת מיפעת ואת מגרשיה:

ואת חשבון ואת מגרשיה ואת יעזיר ואת מגרשיה:

ולוי ובנימן לא פקד בתוכם כי נתעב דבר המלך את יואב: