ובליעל כקוץ מנד כלהם כי לא ביד יקחו:

ואיש יגע בהם ימלא ברזל ועץ חנית ובאש שרוף ישרפו בשבת:

טובם כחדק ישר ממסוכה יום מצפיך פקדתך באה עתה תהיה מבוכתם:

הלא אף אתם ידעתם היטב כי יום יהוה כגנב בלילה כן בוא יבוא:

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט:

גם את תשכרי תהי נעלמה גם את תבקשי מעוז מאויב:

ותבא אביגיל אל נבל והנה לו משתה בביתו כמשתה המלך ולב נבל טוב עליו והוא שכר עד מאד ולא הגידה לו דבר קטן וגדול עד אור הבקר:

ויצו אבשלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל:

בחמם אשית את משתיהם והשכרתים למען יעלזו וישנו שנת עולם ולא יקיצו נאם יהוה:

והשכרתי שריה וחכמיה פחותיה וסגניה וגבוריה וישנו שנת עולם ולא יקיצו נאם המלך יהוה צבאות שמו:

כהנדף עשן תנדף כהמס דונג מפני אש יאבדו רשעים מפני אלהים:

כי בערה כאש רשעה שמיר ושית תאכל ותצת בסבכי היער ויתאבכו גאות עשן:

והיה אור ישראל לאש וקדושו ללהבה ובערה ואכלה שיתו ושמירו ביום אחד:

ושאר עץ יערו מספר יהיו ונער יכתבם:

חמה אין לי מי יתנני שמיר שית במלחמה אפשעה בה אציתנה יחד:

כי הנה היום בא בער כתנור והיו כל זדים וכל עשה רשעה קש ולהט אתם היום הבא אמר יהוה צבאות אשר לא יעזב להם שרש וענף: