הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנה:

אז ידבר לתלמדידיו ויאמר רב הקציר והפעלים מעטים:

לכן התחננו אל בעל הקציר לשלח פעלים לקצירו:

הלא אתם תאמרו כי עוד ארבעה חדשים והקציר בא הנה אני אמר לכם שאו עיניכם וראו בשדות כי כבר הלבינו לקציר:

והקוצר יקח שכרו ויאסף תבואה לחיי עולמים למען ישמחו יחדו גם הזרע גם הקוצר:

ונתנה הארץ פריה ואכלתם לשבע וישבתם לבטח עליה:

ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה:

ונתתי עשב בשדך לבהמתך ואכלת ושבעת:

ויען יהוה ויאמר לעמו הנני שלח לכם את הדגן והתירוש והיצהר ושבעתם אתו ולא אתן אתכם עוד חרפה בגוים:

ואכלתם אכול ושבוע והללתם את שם יהוה אלהיכם אשר עשה עמכם להפליא ולא יבשו עמי לעולם:

וגם לא חדל להעיד על עצמו וייטב לנו בתתו מטר מן השמים ועתות שבע וימלא לבותינו מזון וששון:

את עשירי העולם הזה תצוה שלא ירום לבבם גם לא יבטחו בעשר הבוגד כי אם באלהים חיים המספיק לנו די והותר לשבע:

ועשיתם את חקתי ואת משפטי תשמרו ועשיתם אתם וישבתם על הארץ לבטח:

ובטחת כי יש תקוה וחפרת לבטח תשכב:

ורבצת ואין מחריד וחלו פניך רבים:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

יהמו יחמרו מימיו ירעשו הרים בגאותו סלה:

אלהים בקרבה בל תמוט יעזרה אלהים לפנות בקר:

יהוה צבאות עמנו משגב לנו אלהי יעקב סלה:

תפלה למשה איש האלהים אדני מעון אתה היית לנו בדר ודר:

ישב בסתר עליון בצל שדי יתלונן:

כי הוא יצילך מפח יקוש מדבר הוות:

לא תירא מפחד לילה מחץ יעוף יומם:

יפל מצדך אלף ורבבה מימינך אליך לא יגש:

כי אתה יהוה מחסי עליון שמת מעונך:

כי מלאכיו יצוה לך לשמרך בכל דרכיך:

על שחל ופתן תדרך תרמס כפיר ותנין:

ושמע לי ישכן בטח ושאנן מפחד רעה:

מגדל עז שם יהוה בו ירוץ צדיק ונשגב:

בימיו תושע יהודה וישראל ישכן לבטח וזה שמו אשר יקראו יהוה צדקנו:

וכרתי להם ברית שלום והשבתי חיה רעה מן הארץ וישבו במדבר לבטח וישנו ביערים:

ונתן עץ השדה את פריו והארץ תתן יבולה והיו על אדמתם לבטח וידעו כי אני יהוה בשברי את מטות עלם והצלתים מיד העבדים בהם:

ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם:

הנשמרים בעז אלהים על יד האמונה לתשועה העתידה להגלות בעת קץ: