וביום שמחתכם ובמועדיכם ובראשי חדשיכם ותקעתם בחצצרת על עלתיכם ועל זבחי שלמיכם והיו לכם לזכרון לפני אלהיכם אני יהוה אלהיכם:

אשרי העם יודעי תרועה יהוה באור פניך יהלכון:

לכן אנשים אחים יודע לכם כי על ידי זה הגד לכם סליחת החטאים:

ובכל אשר לא יכלתם להצטדק בתורת משה כל המאמין יצדק על ידו:

ואמר הכי לא שמעו אמנם בכל הארץ יצא קום ובקצה תבל מליהם:

בגבורת אתות ומופתים ובגבורת רוח אלהים עד כי מלאתי מירושלים וסביבותיה ועד לאלוריקון את בשורת המשיח:

יען אשר אלהים היה במשיח מרצה את העולם לעצמו ולא חשב להם את פשעיהם וישם בנו את דבר הרצוי:

כי את אשר לא ידע חטאת אתו עשה לחטאת בעדנו למען נהיה בו אנחנו לצדקת אלהים:

כי מאתכם נשמע קול דבר יהוה לא לבד במקדוניא ואכיא כי אם בכל מקום יצאה אמונתכם באלהים עד שאין לנו צרך לדבר דבר:

וקדשתם את שנת החמשים שנה וקראתם דרור בארץ לכל ישביה יובל הוא תהיה לכם ושבתם איש אל אחזתו ואיש אל משפחתו תשבו:

כי יובל הוא קדש תהיה לכם מן השדה תאכלו את תבואתה:

אם משנת היבל יקדיש שדהו כערכך יקום:

בשנת היובל ישוב השדה לאשר קנהו מאתו לאשר לו אחזת הארץ:

ואם יהיה היבל לבני ישראל ונוספה נחלתן על נחלת המטה אשר תהיינה להם ומנחלת מטה אבתינו יגרע נחלתן:

וכלה מכפר את הקדש ואת אהל מועד ואת המזבח והקריב את השעיר החי:

כי ביום הזה יכפר עליכם לטהר אתכם מכל חטאתיכם לפני יהוה תטהרו:

דבר אל בני ישראל לאמר בחדש השביעי באחד לחדש יהיה לכם שבתון זכרון תרועה מקרא קדש:

אך בעשור לחדש השביעי הזה יום הכפרים הוא מקרא קדש יהיה לכם ועניתם את נפשתיכם והקרבתם אשה ליהוה: