But in the seventh year shall be a sabbath of rest unto the land, a sabbath for the LORD: thou shalt neither sow thy field, nor prune thy vineyard.
Leviticus 25:20-23
20
וכי תאמרו מה נאכל בשנה השביעת הן לא נזרע ולא נאסף את תבואתנו:
21
וצויתי את ברכתי לכם בשנה הששית ועשת את התבואה לשלש השנים:
22
וזרעתם את השנה השמינת ואכלתם מן התבואה ישן עד השנה התשיעת עד בוא תבואתה תאכלו ישן:
23
והארץ לא תמכר לצמתת כי לי הארץ כי גרים ותושבים אתם עמדי:
Leviticus 26:34
אז תרצה הארץ את שבתתיה כל ימי השמה ואתם בארץ איביכם אז תשבת הארץ והרצת את שבתתיה:
Leviticus 26:35
כל ימי השמה תשבת את אשר לא שבתה בשבתתיכם בשבתכם עליה:
Leviticus 26:43
והארץ תעזב מהם ותרץ את שבתתיה בהשמה מהם והם ירצו את עונם יען וביען במשפטי מאסו ואת חקתי געלה נפשם:
Exodus 23:10
ושש שנים תזרע את ארצך ואספת את תבואתה:
Exodus 23:11
והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך:
2 Chronicles 36:21
למלאות דבר יהוה בפי ירמיהו עד רצתה הארץ את שבתותיה כל ימי השמה שבתה למלאות שבעים שנה: