והנה כבוד אלהי ישראל בא מדרך הקדים וקולו כקול מים רבים והארץ האירה מכבדו:

ומרגלתיו כעין נחשת קלל כצרופות בכור וקולו כקול מים רבים:

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות:

וקול כנפי הכרובים נשמע עד החצר החיצנה כקול אל שדי בדברו:

שמעו שמוע ברגז קלו והגה מפיו יצא:

אחריו ישאג קול ירעם בקול גאונו ולא יעקבם כי ישמע קולו:

ירעם אל בקולו נפלאות עשה גדלות ולא נדע:

וירעם בשמים יהוה ועליון יתן קלו ברד וגחלי אש:

קול יהוה על המים אל הכבוד הרעים יהוה על מים רבים:

קול יהוה שבר ארזים וישבר יהוה את ארזי הלבנון:

קול יהוה חצב להבות אש:

קול יהוה יחולל אילות ויחשף יערות ובהיכלו כלו אמר כבוד:

לרכב בשמי שמי קדם הן יתן בקולו קול עז:

וגויתו כתרשיש ופניו כמראה ברק ועיניו כלפידי אש וזרעתיו ומרגלתיו כעין נחשת קלל וקול דבריו כקול המון:

ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו: