מענה אלהי קדם ומתחת זרעת עולם ויגרש מפניך אויב ויאמר השמד:

ויהוה לעולם ישב כונן למשפט כסאו:

יהוה מלך עולם ועד אבדו גוים מארצו:

יהוה למבול ישב וישב יהוה מלך לעולם:

בטרם הרים ילדו ותחולל ארץ ותבל ומעולם עד עולם אתה אל:

ואתה יהוה לעולם תשב וזכרך לדר ודר:

לפנים הארץ יסדת ומעשה ידיך שמים:

ואתה הוא ושנותיך לא יתמו:

הלוא אתה מקדם יהוה אלהי קדשי לא נמות יהוה למשפט שמתו וצור להוכיח יסדתו:

ולמלך עולמים לאלהים הקים לעד והנעלם מעין והחכם לבדו לו הכבוד וההדר לעולמי עולמים אמן:

אשר יראנה בעתה המברך והשליט לבדו מלך המלכים ואדני האדנים:

אשר הוא לבדו חי וקים והוא הדר באור נשגב ואיש לא ראהו ולא יוכל לראונו ולו הכבוד וגבורת עולמים אמן:

ועוד אתה אדני לפנים הארץ יסדת ומעשה ידיך שמים:

כלבוש תחליפם ויחלפו ואתה הוא ושנותיך לא יתמו:

ישוע המשיח גם תמול גם היום הוא הוא וגם לעולמים:

יוחנן אל שבע הקהלות אשר באסיא חסד לכם ושלום מאת ההוה והיה ויבוא ומן שבעת הרוחות אשר לפני כסאו:

אני האלף ואני התו ראש וסוף נאם יהוה אלהים ההוה והיה ויבוא אלהי צבאות:

וכראתי אותו ואפל לרגליו כמת וישת עלי יד ימינו ויאמר אל תירא אני הראשון והאחרון והחי:

ואהי מת והנני חי לעולמי עולמים אמן ובידי מפתחות שאול ומות:

כסאך אלהים עולם ועד שבט מישר שבט מלכותך:

מלכותך מלכות כל עלמים וממשלתך בכל דור ודור:

ימלך יהוה לעולם אלהיך ציון לדר ודר הללו יה:

וביומיהון די מלכיא אנון יקים אלה שמיא מלכו די לעלמין לא תתחבל ומלכותה לעם אחרן לא תשתבק תדק ותסיף כל אלין מלכותא והיא תקום לעלמיא:

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל:

ומלכותה ושלטנא ורבותא די מלכות תחות כל שמיא יהיבת לעם קדישי עליונין מלכותה מלכות עלם וכל שלטניא לה יפלחון וישתמעון:

אך על הבן אמר כסאך אלהים עולם ועד שבט מישר שבט מלכותך:

אהבת צדק ותשנא רשע על כן משחך אלהים אלהיך שמן ששון מחבריך: