זמרו יהוה כי גאות עשה מידעת זאת בכל הארץ:

ישאו מדבר ועריו חצרים תשב קדר ירנו ישבי סלע מראש הרים יצוחו:

קול צפיך נשאו קול יחדו ירננו כי עין בעין יראו בשוב יהוה ציון:

חשף יהוה את זרוע קדשו לעיני כל הגוים וראו כל אפסי ארץ את ישועת אלהינו:

למען תינקו ושבעתם משד תנחמיה למען תמצו והתענגתם מזיז כבודה:

כאיש אשר אמו תנחמנו כן אנכי אנחמכם ובירושלם תנחמו:

ישמחו וירננו לאמים כי תשפט עמים מישור ולאמים בארץ תנחם סלה:

ישמחו השמים ותגל הארץ ירעם הים ומלאו:

לפני יהוה כי בא כי בא לשפט הארץ ישפט תבל בצדק ועמים באמונתו:

הודיע יהוה ישועתו לעיני הגוים גלה צדקתו:

הריעו ליהוה כל הארץ פצחו ורננו וזמרו:

בחצצרות וקול שופר הריעו לפני המלך יהוה:

נהרות ימחאו כף יחד הרים ירננו:

ועשרים וארבעה הזקנים הישבים לפני האלהים על כסאותם נפלו על פניהם וישתחוו לאלהים:

והגוים קצפו ויבא קצפך ועת המתים להשפט ולתת שכר לעבדיך הנביאים ולקדשים וליראי שמך למקטנם ועד גדולם ולהשחית את משחיתי הארץ:

כי אמת וישר משפטיו כי שפט את הזונה הגדולה אשר השחיתה את הארץ בתזנתה וידרש מידה טאת דם עבדיו:

ועשרים וארבעה הזקנים וארבע החיות נפלו על פניהם וישתחוו לאלהים הישב על הכסא ויאמרו אמן הללויה:

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות: