כי אתה אבינו כי אברהם לא ידענו וישראל לא יכירנו אתה יהוה אבינו גאלנו מעולם שמך:

ואמרת אל פרעה כה אמר יהוה בני בכרי ישראל:

ה ליהוה תגמלו זאת עם נבל ולא חכם הלוא הוא אביך קנך הוא עשך ויכננך:

כי כלכם בני אלהים אתם על ידי האמונה במשיח ישוע:

ואם אתם למשיח הנכם זרע אברהם ונחלים כפי ההבטחה:

הפככם אם כחמר היצר יחשב כי יאמר מעשה לעשהו לא עשני ויצר אמר ליוצרו לא הבין:

הוי רב את יצרו חרש את חרשי אדמה היאמר חמר ליצרו מה תעשה ופעלך אין ידים לו:

קום וירדת בית היוצר ושמה אשמיעך את דברי:

ונשחת הכלי אשר הוא עשה בחמר ביד היוצר ושב ויעשהו כלי אחר כאשר ישר בעיני היוצר לעשות:

הכיוצר הזה לא אוכל לעשות לכם בית ישראל נאם יהוה הנה כחמר ביד היוצר כן אתם בידי בית ישראל:

אמנם בן אדם מי אתה אשר תריב את האלהים היאמר יצר ליצרו למה ככה עשיתני:

ומה אפוא אם האלהים החפץ להראות זעמו ולהודיע גבורתו נשא בכל ארך רוחו את כלי הזעם הנכונים לאבדון:

והם אנחנו אשר קראם לא מן היהודים בלבד כי אף מן הגוים:

כל הנקרא בשמי ולכבודי בראתיו יצרתיו אף עשיתיו:

זכר אלה יעקב וישראל כי עבדי אתה יצרתיך עבד לי אתה ישראל לא תנשני:

כה אמר יהוה גאלך ויצרך מבטן אנכי יהוה עשה כל נטה שמים לבדי רקע הארץ מי אתי:

ידיך עצבוני ויעשוני יחד סביב ותבלעני:

זכר נא כי כחמר עשיתני ואל עפר תשיבני:

דעו כי יהוה הוא אלהים הוא עשנו ולא אנחנו עמו וצאן מרעיתו:

ידיך עשוני ויכוננוני הבינני ואלמדה מצותיך:

יהוה יגמר בעדי יהוה חסדך לעולם מעשי ידיך אל תרף:

כי פעל אלהים אנחנו נבראים במשיח ישוע למעשים טובים אשר הכין האלהים מקדם למען נתהלך בהם: