ותגעש ותרעש הארץ ומוסדי הרים ירגזו ויתגעשו כי חרה לו:

ויט שמים וירד וערפל תחת רגליו:

ישת חשך סתרו סביבותיו סכתו חשכת מים עבי שחקים:

וירעם בשמים יהוה ועליון יתן קלו ברד וגחלי אש:

ויראו אפיקי מים ויגלו מוסדות תבל מגערתך יהוה מנשמת רוח אפך:

יהוה הט שמיך ותרד גע בהרים ויעשנו:

ברוק ברק ותפיצם שלח חציך ותהמם:

ויהי אך עלה עלה מן המים וירא את השמים נבקעים והרוח כיונה ירדת עליו:

הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו:

וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבש אל מקום הכנעני והחתי והאמרי והפרזי והחוי והיבוסי:

והיו נכנים ליום השלישי כי ביום השלישי ירד יהוה לעיני כל העם על הר סיני:

והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד:

ויהי קול השופר הולך וחזק מאד משה ידבר והאלהים יעננו בקול:

כי הנה יהוה יצא ממקומו וירד ודרך על במותי ארץ:

ונמסו ההרים תחתיו והעמקים יתבקעו כדונג מפני האש כמים מגרים במורד:

תפלה לחבקוק הנביא על שגינות:

אלוה מתימן יבוא וקדוש מהר פארן סלה כסה שמים הודו ותהלתו מלאה הארץ:

לפניו ילך דבר ויצא רשף לרגליו:

תחת און ראיתי אהלי כושן ירגזון יריעות ארץ מדין:

עריה תעור קשתך שבעות מטות אמר סלה נהרות תבקע ארץ:

שמש ירח עמד זבלה לאור חציך יהלכו לנגה ברק חניתך:

יצאת לישע עמך לישע את משיחך מחצת ראש מבית רשע ערות יסוד עד צואר סלה:

יהוה בצאתך משעיר בצעדך משדה אדום ארץ רעשה גם שמים נטפו גם עבים נטפו מים:

הרים נזלו מפני יהוה זה סיני מפני יהוה אלהי ישראל:

המו גוים מטו ממלכות נתן בקולו תמוג ארץ:

ארץ רעשה אף שמים נטפו מפני אלהים זה סיני מפני אלהים אלהי ישראל:

ההרים רקדו כאילים גבעות כבני צאן:

ההרים תרקדו כאילים גבעות כבני צאן:

ואדני יהוה הצבאות הנוגע בארץ ותמוג ואבלו כל יושבי בה ועלתה כיאר כלה ושקעה כיאר מצרים:

הנה ימים באים נאם יהוה ונגש חורש בקצר ודרך ענבים במשך הזרע והטיפו ההרים עסיס וכל הגבעות תתמוגגנה:

הרים רעשו ממנו והגבעות התמגגו ותשא הארץ מפניו ותבל וכל ישבי בה:

לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו:

בא יבא יום יהוה כגנב בלילה אז השמים בשאון יחלפו והיסדות יבערו והתמגגו והארץ והמעשים אשר עליה ישרפו:

ולחכות לבא יום יהוה ולהחיש אתו אשר בגללו השמים ימוגו באש והיסדות יבערו ונמסו:

וארא כסא לבן וגדול ואת הישב עליו אשר מפניו נסו ארץ ושמים ולא נמצא להם מקום: