ועתה שמע יעקב עבדי וישראל בחרתי בו:

זכר אלה יעקב וישראל כי עבדי אתה יצרתיך עבד לי אתה ישראל לא תנשני:

שמעו זאת בית יעקב הנקראים בשם ישראל וממי יהודה יצאו הנשבעים בשם יהוה ובאלהי ישראל יזכירו לא באמת ולא בצדקה:

כה אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך:

לוא הקשבת למצותי ויהי כנהר שלומך וצדקתך כגלי הים:

שמעו אלי רדפי צדק מבקשי יהוה הביטו אל צור חצבתם ואל מקבת בור נקרתם:

שמעו אלי ידעי צדק עם תורתי בלבם אל תיראו חרפת אנוש ומגדפתם אל תחתו:

שמע עמי ואעידה בך ישראל אם תשמע לי:

אנכי יהוה אלהיך המעלך מארץ מצרים הרחב פיך ואמלאהו:

ואשלחהו בשרירות לבם ילכו במועצותיהם:

לולי יהוה צבאות הותיר לנו שריד כמעט כסדם היינו לעמרה דמינו:

כי אם יהיה עמך ישראל כחול הים שאר ישוב בו כליון חרוץ שוטף צדקה:

והיה ביום ההוא יוסיף אדני שנית ידו לקנות את שאר עמו אשר ישאר מאשור וממצרים ומפתרוס ומכוש ומעילם ומשנער ומחמת ומאיי הים:

אולי ישמע יהוה אלהיך את דברי רב שקה אשר שלחו מלך אשור אדניו לחרף אלהים חי והוכיח בדברים אשר שמע יהוה אלהיך ונשאת תפלה בעד השארית הנמצאה:

ועתה שמע יעקב עבדי וישראל בחרתי בו:

כה אמר יהוה עשך ויצרך מבטן יעזרך אל תירא עבדי יעקב וישרון בחרתי בו:

שמעו איים אלי והקשיבו לאמים מרחוק יהוה מבטן קראני ממעי אמי הזכיר שמי:

וישם פי כחרב חדה בצל ידו החביאני וישימני לחץ ברור באשפתו הסתירני:

בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם:

אתם ראיתם אשר עשיתי למצרים ואשא אתכם על כנפי נשרים ואבא אתכם אלי:

ובמדבר אשר ראית אשר נשאך יהוה אלהיך כאשר ישא איש את בנו בכל הדרך אשר הלכתם עד באכם עד המקום הזה:

כנשר יעיר קנו על גוזליו ירחף יפרש כנפיו יקחהו ישאהו על אברתו:

יהוה בדד ינחנו ואין עמו אל נכר:

כי אתה גחי מבטן מבטיחי על שדי אמי:

עליך השלכתי מרחם מבטן אמי אלי אתה:

עליך נסמכתי מבטן ממעי אמי אתה גוזי בך תהלתי תמיד:

ואעבר עליך ואראך מתבוססת בדמיך ואמר לך בדמיך חיי ואמר לך בדמיך חיי:

ואעבר עליך ואראך והנה עתך עת דדים ואפרש כנפי עליך ואכסה ערותך ואשבע לך ואבוא בברית אתך נאם אדני יהוה ותהיי לי:

ואלבישך רקמה ואנעלך תחש ואחבשך בשש ואכסך משי:

ואתן נזם על אפך ועגילים על אזניך ועטרת תפארת בראשך:

ויצא לך שם בגוים ביפיך כי כליל הוא בהדרי אשר שמתי עליך נאם אדני יהוה:

ותקחי מבגדיך ותעשי לך במות טלאות ותזני עליהם לא באות ולא יהיה: