התמהמהו ותמהו השתעשעו ושעו שכרו ולא יין נעו ולא שכר:

כי כהר פרצים יקום יהוה כעמק בגבעון ירגז לעשות מעשהו זר מעשהו ולעבד עבדתו נכריה עבדתו:

ראו בגוים והביטו והתמהו תמהו כי פעל פעל בימיכם לא תאמינו כי יספר:

אנחנו יודעים כי אל משה דבר האלהים ואת זה לא ידענו מאין הוא:

והנה ידענו כי את החטאים לא ישמע אל כי אם את ירא האלהים ועשה רצונו אתו ישמע:

לולא היה זה מאת אלהים לא היה יכל לעשות מאומה:

כי נסך עליכם יהוה רוח תרדמה ויעצם את עיניכם את הנביאים ואת ראשיכם החזים כסה:

ויאמר לך ואמרת לעם הזה שמעו שמוע ואל תבינו וראו ראו ואל תדעו:

השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו:

ונבקה רוח מצרים בקרבו ועצתו אבלע ודרשו אל האלילים ואל האטים ואל האבות ואל הידענים:

אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם:

נואלו שרי צען נשאו שרי נף התעו את מצרים פנת שבטיה:

לכד חכמים בערמם ועצת נפתלים נמהרה:

גם חסידה בשמים ידעה מועדיה ותר וסוס ועגור שמרו את עת באנה ועמי לא ידעו את משפט יהוה:

הבישו חכמים חתו וילכדו הנה בדבר יהוה מאסו וחכמת מה להם:

לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם:

הלוא ביום ההוא נאם יהוה והאבדתי חכמים מאדום ותבונה מהר עשו:

כי אני אמר לכם נביאים ומלכים רבים חפצו לראות את אשר אתם ראים ולא ראו ולשמע את אשר אתם שמעים ולא שמעו:

ויאמר ישוע אני לדין באתי לעולם הזה למען יראו העורים והראים יכו בעורון:

ויאמר אליהם אם עורים הייתם לא היה בכם חטא ועתה כי אמרתם פקחים אנחנו חטאתכם תעמד:

לך ואמרת לעם הזה שמעו שמוע ואל תבינו וראו ראו ואל תדעו:

כי שמן לב העם הזה ואזניו כבדו ואת עיניו השע פן יראה בעיניו ובאזניו ישמע ולבבו יבין ושב ורפאתיו:

יען בדעתם את האלהים לא כבדהו כאלהים וגם לא הודו לו כי אם הלכו אחרי ההבל במועצותיהם ויחשך לבם הנבער:

ובאמרם חכמים אנחנו היו לכסילים:

וכאשר מאסו להשיג האלהים בדעת נתנם האלהים בידי דעה נמאסה לעשות את אשר לא יתכן:

כי כן כתוב אאבד חכמת חכמים ובינת נבונים אסתיר:

כי אחרי אשר בחכמת האלהים לא ידע העולם את האלהים בחכמה היה רצון לפניו להושיע בסכלות הקריאה את המאמינים:

ואנחנו משמיעים את המשיח הצלוב מכשול ליהודים וסכלות ליונים:

כי חכמת העולם הזה סכלות היא לפני האלהים ככתוב לכד חכמים בערמם: