קרבו ריבכם יאמר יהוה הגישו עצמותיכם יאמר מלך יעקב:

לא קנית לי בכסף קנה וחלב זבחיך לא הרויתני אך העבדתני בחטאותיך הוגעתני בעונתיך:

הזכירני נשפטה יחד ספר אתה למען תצדק:

ועתה התיצבו ואשפטה אתכם לפני יהוה את כל צדקות יהוה אשר עשה אתכם ואת אבותיכם:

כה אמר יהוה מה מצאו אבותיכם בי עול כי רחקו מעלי וילכו אחרי ההבל ויהבלו:

שמעו הרים את ריב יהוה והאתנים מסדי ארץ כי ריב ליהוה עם עמו ועם ישראל יתוכח:

ופולוס נכנס אליהם כמשפטו ושלש שבתות דבר עמהם בדברי הכתובים:

וידבר בבית הכנסת בכל שבת ושבת ויוכח את היהודים ואת היונים:

ויהי כדברו על הצדק והפרישות ועל הדין העתיד לבוא ויחרד פיליכס ויען עתה זה לך ולכשאפנה אשוב לקרא לך:

מחיתי כעב פשעיך וכענן חטאותיך שובה אלי כי גאלתיך:

תחטאני באזוב ואטהר תכבסני ומשלג אלבין:

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא:

ישוב ירחמנו יכבש עונתינו ותשליך במצלות ים כל חטאותם:

אבל התורה נכנסה למען ירבה הפשע ובאשר רבה החטא עדף ממנו החסד:

לתהלת כבוד חסדו אשר נתן אתנו בידידו:

אשר השפיעו עלינו בכל חכמה והשכל:

ואמר אליו אדני אתה ידעת ויאמר אלי אלה הם הבאים מן הצרה הגדולה ויכבסו את שמלתם וילבינום בדם השה: