הטתו ברב לקחה בחלק שפתיה תדיחנו:

עד יפלח חץ כבדו כמהר צפור אל פח ולא ידע כי בנפשו הוא:

הלוך את חכמים וחכם ורעה כסילים ירוע:

גולה סוד הולך רכיל ולפתה שפתיו לא תתערב:

ויהי אחר הדברים האלה ותשא אשת אדניו את עיניה אל יוסף ותאמר שכבה עמי:

איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים:

ויהי כהיום הזה ויבא הביתה לעשות מלאכתו ואין איש מאנשי הבית שם בבית:

ויהי כראותה כי עזב בגדו בידה וינס החוצה:

ויהי כי הציקה לו בדבריה כל הימים ותאלצהו ותקצר נפשו למות:

ותרא דלילה כי הגיד לה את כל לבו ותשלח ותקרא לסרני פלשתים לאמר עלו הפעם כי הגיד לה את כל לבו ועלו אליה סרני פלשתים ויעלו הכסף בידם:

ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליו:

אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב:

אם ראית גנב ותרץ עמו ועם מנאפים חלקך:

כי אנשים אשר כאלה אינם עבדים את אדנינו ישוע המשיח כי אם את כרשם ובאמרי נעם ושפת חלקות יתעו את לב הפתאים:

ואל תשתתפו עם מעשי החשך אשר לא יעשו פרי כי אם הוכח תוכיחו אותם: