וכי יכה איש את עין עבדו או את עין אמתו ושחתה לחפשי ישלחנו תחת עינו:

ואם שן עבדו או שן אמתו יפיל לחפשי ישלחנו תחת שנו:

ואיש כי יתן מום בעמיתו כאשר עשה כן יעשה לו:

שבר תחת שבר עין תחת עין שן תחת שן כאשר יתן מום באדם כן ינתן בו:

ולא תחוס עינך נפש בנפש עין בעין שן בשן יד ביד רגל ברגל:

וינס אדני בזק וירדפו אחריו ויאחזו אתו ויקצצו את בהנות ידיו ורגליו:

ויאמר אדני בזק שבעים מלכים בהנות ידיהם ורגליהם מקצצים היו מלקטים תחת שלחני כאשר עשיתי כן שלם לי אלהים ויביאהו ירושלם וימת שם:

ויאמר שמואל כאשר שכלה נשים חרבך כן תשכל מנשים אמך וישסף שמואל את אגג לפני יהוה בגלגל:

שמעתם כי נאמר עין תחת עין שן תחת שן:

ואשר יחפץ לריב עמך ולקחת את כתנתך תן לו גם את חמעיל:

כי במשפט אשר אתם שפטים בו תשפטו ובמדה אשר אתם מדדים בה ימד לכם:

תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם:

כי דם קדשים ונביאים שפכו ודם השקיתם כי גמול ידם הוא: