וכי יכה איש את עין עבדו או את עין אמתו ושחתה לחפשי ישלחנו תחת עינו:

ואם שן עבדו או שן אמתו יפיל לחפשי ישלחנו תחת שנו:

ולא תחוס עינך נפש בנפש עין בעין שן בשן יד ביד רגל ברגל:

בדברים לא יוסר עבד כי יבין ואין מענה:

למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו:

הן לריב ומצה תצומו ולהכות באגרף רשע לא תצומו כיום להשמיע במרום קולכם:

שפך דם האדם באדם דמו ישפך כי בצלם אלהים עשה את האדם:

כל מכה נפש לפי עדים ירצח את הרצח ועד אחד לא יענה בנפש למות:

ולא תקחו כפר לנוס אל עיר מקלטו לשוב לשבת בארץ עד מות הכהן:

ויאמר לו יהוה לכן כל הרג קין שבעתים יקם וישם יהוה לקין אות לבלתי הכות אתו כל מצאו:

כי שבעתים יקם קין ולמך שבעים ושבעה:

גאל הדם הוא ימית את הרצח בפגעו בו הוא ימיתנו:

כי משמשת אלהים היא לטוב לך אך אם הרע תעשה ירא כי לא לחנם חגרת חרב היא כי משמשת אלהים היא נקמת בקצף מכל עשה הרע: