צפון וימין אתה בראתם תבור וחרמון בשמך ירננו:

קול יהוה שבר ארזים וישבר יהוה את ארזי הלבנון:

קול יהוה חצב להבות אש:

כי בו ישמח לבנו כי בשם קדשו בטחנו:

באלהים הללנו כל היום ושמך לעולם נודה סלה:

ותגל רוחי באלהי ישעי:

שמחו באדנינו בכל עת ועוד הפעם אמר אני שמחו:

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב:

פי יספר צדקתך כל היום תשועתך כי לא ידעתי ספרות:

אבוא בגברות אדני יהוה אזכיר צדקתך לבדך:

אך ביהוה לי אמר צדקות ועז עדיו יבוא ויבשו כל הנחרים בו:

ביהוה יצדקו ויתהללו כל זרע ישראל:

קרבתי צדקתי לא תרחק ותשועתי לא תאחר ונתתי בציון תשועה לישראל תפארתי:

בימיו תושע יהודה וישראל ישכן לבטח וזה שמו אשר יקראו יהוה צדקנו:

כי תגלה בה צדקת אלהים מאמונה אל אמונה ככתוב וצדיק באמונתו יחיה:

ועתה בבלי תורה צדקת אלהים לאור יצאה אשר העידו עליה התורה והנביאים:

כי כלם חטאו וחסרי כבוד אלהים המה:

אשר שמו האלהים לפנינו לכפרת על ידי האמונה בדמו להראות את צדקתו אחרי אשר העביר את החטאים שנעשו לפנים בעת חמלת אלהים:

כי את אשר לא ידע חטאת אתו עשה לחטאת בעדנו למען נהיה בו אנחנו לצדקת אלהים:

ולא תהיה לי צדקתי מתוך התורה כי אם באמונת המשיח הצדקה הבאה מאת האלהים באמונה: