ויאמר יהוה ראה ראיתי את עני עמי אשר במצרים ואת צעקתם שמעתי מפני נגשיו כי ידעתי את מכאביו:

ראה ראיתי את עני עמי אשר במצרים ואת נאקתם שמעתי וארד להצילם ועתה לכה ואשלחך מצרימה:

לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור:

שמעה תפלתי יהוה ושועתי האזינה אל דמעתי אל תחרש כי גר אנכי עמך תושב ככל אבותי:

אלה עשית והחרשתי דמית היות אהיה כמוך אוכיחך ואערכה לעיניך:

שיר מזמור לאסף אלהים אל דמי לך אל תחרש ואל תשקט אל:

למה יהוה תעמד ברחוק תעלים לעתות בצרה:

אל תרחק ממני כי צרה קרובה כי אין עוזר:

ואתה יהוה אל תרחק אילותי לעזרתי חושה:

אל תעזבני יהוה אלהי אל תרחק ממני:

אלהים אל תרחק ממני אלהי לעזרתי חישה:

הנה כתובה לפני לא אחשה כי אם שלמתי ושלמתי על חיקם: