טוב אתה ומטיב למדני חקיך:

להגיד כי ישר יהוה צורי ולא עלתה בו:

ארח לצדיק מישרים ישר מעגל צדיק תפלס:

חכמות בחוץ תרנה ברחבות תתן קולה:

עד מתי פתים תאהבו פתי ולצים לצון חמדו להם וכסילים ישנאו דעת:

בני אם תקח אמרי ומצותי תצפן אתך:

כי אם לבינה תקרא לתבונה תתן קולך:

אז תבין יראת יהוה ודעת אלהים תמצא:

מי פתי יסר הנה חסר לב אמרה לו:

עזבו פתאים וחיו ואשרו בדרך בינה:

והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושלם:

ואתם צאו ולמדו מה הוא חסד חפצתי ולא זבח כי לא באתי לקרא את הצדיקים כי אם את החטאים לתשובה:

קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם:

כי עלי נעים הוא וקל משאי:

הן אתם הרעים ידעים לתת מתנות טבות לבניכם אף כי האב מן השמים יתן את רוח הקדש לשאלים מאתו:

לא יוכל איש לבוא אלי בלתי אם ימשכהו אבי אשר שלחני ואני אקימנו ביום האחרון:

הלא כתוב בנביאים וכל בניך למודי יהוה לכן כל אשר שמע מן האב ולמד יבא אלי:

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח:

כי יתן לכם אלהי אדנינו ישוע המשיח אבי הכבוד את רוח החכמה והחזון לדעת אתו:

ויאר עיני לבבכם למען תדעו אי זו היא תוחלת קריאתו ואי זה הוא עשר כבוד נחלתו בקדשים:

ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו: