אשרי הגבר אשר שם יהוה מבטחו ולא פנה אל רהבים ושטי כזב:

לא אשית לנגד עיני דבר בליעל עשה סטים שנאתי לא ידבק בי:

וימת שאול במעלו אשר מעל ביהוה על דבר יהוה אשר לא שמר וגם לשאול באוב לדרוש:

ולא דרש ביהוה וימיתהו ויסב את המלוכה לדויד בן ישי:

מדרכיו ישבע סוג לב ומעליו איש טוב:

תיסרך רעתך ומשבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות:

ואת הנסוגים מאחרי יהוה ואשר לא בקשו את יהוה ולא דרשהו:

הצדיק באמונתו יחיה ואם יסג אחור לא רצתה נפשי בו:

אשר ארחתיהם עקשים ונלוזים במעגלותם:

דרך שלום לא ידעו ואין משפט במעגלותם נתיבותיהם עקשו להם כל דרך בה לא ידע שלום:

למען תהיו נקיים וטהורים בני אלהים לא מום בם בתוך דור עקש ופתלתל אשר תאירו ביניהם כמאורת בעולם:

אז אענה בם לאמר מעולם לא ידעתי אתכם סורו ממני פעלי האון:

ואם העבד הרע יאמר בלבו בשש אדני לבוא:

בוא יבוא אדני העבד ההוא ביום לא יצפה ובשעה לא ידע:

וראה בנים לבניך שלום על ישראל:

כי ההרים ימושו והגבעות תמוטנה וחסדי מאתך לא ימוש וברית שלומי לא תמוט אמר מרחמך יהוה:

וכל בניך למודי יהוה ורב שלום בניך:

וכרתי להם ברית שלום ברית עולם יהיה אותם ונתתים והרביתי אותם ונתתי את מקדשי בתוכם לעולם:

וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח:

שלום אניח לכם את שלומי אתן לכם לא כאשר יתן העולם אנכי נתן לכם אל יבהל לבבכם ואל יחת:

וכל המהלכים כפי השורה הזאת שלום ורחמים עליהם ועל ישראל אשר לאלהים:

הנבחרים מקדם כפי דעת אלהים האב בקדוש הרוח אל משמעת ישוע המשיח ואל הזית דמו חסד ושלום למכביר יהיו לכם: