למען יחלצון ידידיך הושיעה ימינך ועננו:

לי גלעד ולי מנשה ואפרים מעוז ראשי יהודה מחקקי:

מי יבלני עיר מצור מי נחני עד אדום:

הבה לנו עזרת מצר ושוא תשועת אדם:

לבנימן אמר ידיד יהוה ישכן לבטח עליו חפף עליו כל היום ובין כתיפיו שכן:

וישלח ביד נתן הנביא ויקרא את שמו ידידיה בעבור יהוה:

והנה קול מן השמים אומר זה בני ידידי אשר רצתה נפשי בו:

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון:

לכל אשר ברומי ידידי אלהים וקרואים להיות קדושים חסד ושלום לכם מאת האלהים אבינו ואדנינו ישוע המשיח:

לתהלת כבוד חסדו אשר נתן אתנו בידידו:

לכן אתם כבחירי האלהים הקדשים והחביבים לבשו המון רחמים ונדיבות ונמיכות רוח וענוה וארך אפים:

לדוד ריבה יהוה את יריבי לחם את לחמי:

והרק חנית וסגר לקראת רדפי אמר לנפשי ישעתך אני:

למנצח בנגינת משכיל לדוד בבוא הזיפים ויאמרו לשאול הלא דוד מסתתר עמנו אלהים בשמך הושיעני ובגבורתך תדינני:

מזמור שירו ליהוה שיר חדש כי נפלאות עשה הושיעה לו ימינו וזרוע קדשו:

הודיע יהוה ישועתו לעיני הגוים גלה צדקתו:

יהוה הט שמיך ותרד גע בהרים ויעשנו:

שלח ידיך ממרום פצני והצילני ממים רבים מיד בני נכר:

ימינך יהוה נאדרי בכח ימינך יהוה תרעץ אויב:

הביטו אל אברהם אביכם ואל שרה תחוללכם כי אחד קראתיו ואברכהו וארבהו:

הקשיבו אלי עמי ולאומי אלי האזינו כי תורה מאתי תצא ומשפטי לאור עמים ארגיע:

שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה וישביה כמו כן ימותון וישועתי לעולם תהיה וצדקתי לא תחת:

כי כבגד יאכלם עש וכצמר יאכלם סס וצדקתי לעולם תהיה וישועתי לדור דורים:

הלוא את היא המחרבת ים מי תהום רבה השמה מעמקי ים דרך לעבר גאולים:

וקראתם בשם אלהיכם ואני אקרא בשם יהוה והיה האלהים אשר יענה באש הוא האלהים ויען כל העם ויאמרו טוב הדבר:

ויקחו את הפר אשר נתן להם ויעשו ויקראו בשם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשר עשה:

ויהי כעבר הצהרים ויתנבאו עד לעלות המנחה ואין קול ואין ענה ואין קשב:

ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה:

ענני יהוה ענני וידעו העם הזה כי אתה יהוה האלהים ואתה הסבת את לבם אחרנית:

ויתפלל יחזקיהו המלך וישעיהו בן אמוץ הנביא על זאת ויזעקו השמים:

ויושע יהוה את יחזקיהו ואת ישבי ירושלם מיד סנחריב מלך אשור ומיד כל וינהלם מסביב:

והיה טרם יקראו ואני אענה עוד הם מדברים ואני אשמע:

קרא אלי ואענך ואגידה לך גדלות ובצרות לא ידעתם: