זכר לעולם בריתו דבר צוה לאלף דור:

והתודו את עונם ואת עון אבתם במעלם אשר מעלו בי ואף אשר הלכו עמי בקרי:

וזכרתי את בריתי יעקוב ואף את בריתי יצחק ואף את בריתי אברהם אזכר והארץ אזכר:

ויחן יהוה אתם וירחמם ויפן אליהם למען בריתו את אברהם יצחק ויעקב ולא אבה השחיתם ולא השליכם מעל פניו עד עתה:

ישועה מאיבינו ומיד כל שנאינו:

לעשות חסד עם אבותינו ולזכר את ברית קדשו:

שובה יהוה עד מתי והנחם על עבדיך:

כי ידין יהוה עמו ועל עבדיו יתנחם:

וינחם יהוה על הרעה אשר דבר לעשות לעמו:

כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב:

וכי הקים יהוה להם שפטים והיה יהוה עם השפט והושיעם מיד איביהם כל ימי השופט כי ינחם יהוה מנאקתם מפני לחציהם ודחקיהם:

וישלח ידו המלאך ירושלם לשחתה וינחם יהוה אל הרעה ויאמר למלאך המשחית בעם רב עתה הרף ידך ומלאך יהוה היה עם גרן האורנה היבסי:

איך אתנך אפרים אמגנך ישראל איך אתנך כאדמה אשימך כצבאים נהפך עלי לבי יחד נכמרו נחומי:

נחם יהוה על זאת לא תהיה אמר יהוה:

נחם יהוה על זאת גם היא לא תהיה אמר אדני יהוה:

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי:

ענני יהוה כי טוב חסדך כרב רחמיך פנה אלי:

חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו:

כי אם הוגה ורחם כרב חסדו: