למנצח מזמור לדוד עד אנה יהוה תשכחני נצח עד אנה תסתיר את פניך ממני:

אל תסתר פניך ממני אל תט באף עבדך עזרתי היית אל תטשני ואל תעזבני אלהי ישעי:

ואל תסתר פניך מעבדך כי צר לי מהר ענני:

למה יהוה תזנח נפשי תסתיר פניך ממני:

תסתיר פניך יבהלון תסף רוחם יגועון ואל עפרם ישובון:

מהר ענני יהוה כלתה רוחי אל תסתר פניך ממני ונמשלתי עם ירדי בור:

והוא ישקט ומי ירשע ויסתר פנים ומי ישורנו ועל גוי ועל אדם יחד:

וחכיתי ליהוה המסתיר פניו מבית יעקב וקויתי לו:

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך:

עדין לא בא עליכם נסיון אחר בלתי אם נסיון בני אדם כי נאמן הוא האלהים אשר לא יניח לנסות אתכם למעלה מיכלתכם כי אם יתן עם הנסיון גם תוצאתיו כדי שתוכלו שאת:

בצדקתך תצילני ותפלטני הטה אלי אזנך והושיעני:

תבוא לפניך תפלתי הטה אזנך לרנתי:

נחשבתי עם יורדי בור הייתי כגבר אין איל:

שתני בבור תחתיות במחשכים במצלות:

הרחקת מידעי ממני שתני תועבות למו כלא ולא אצא:

הלמתים תעשה פלא אם רפאים יקומו יודוך סלה:

היודע בחשך פלאך וצדקתך בארץ נשיה:

למה יהוה תזנח נפשי תסתיר פניך ממני:

עלי עברו חרוניך בעותיך צמתותני:

הרחקת ממני אהב ורע מידעי מחשך:

ואתה יהוה אל תרחק אילותי לעזרתי חושה:

רצה יהוה להצילני יהוה לעזרתי חושה:

למנצח לדוד להזכיר אלהים להצילני יהוה לעזרתי חושה:

ומה לא תשא פשעי ותעביר את עוני כי עתה לעפר אשכב ושחרתני ואינני:

והיה טרם יקראו ואני אענה עוד הם מדברים ואני אשמע:

פטרוס היה עצור במשמר והקהלה העתירה בעדו בחזקה אל האלהים:

והנה מלאך יהוה נצב עליו ואור נגה בחדר ויספק על ירך פטרוס ויעירהו לאמר קום מהרה ויפלו מוסרותיו מעל ידיו:

ויצא וילך אחריו ולא ידע אם אמת הוא הנעשה לו על ידי המלאך כי כמראה היה בעיניו:

ויהי בשובו אל דעתו ויאמר פטרוס עתה זה ידעתי באמת כי האלהים שלח את מלאכו ויפלטני מיד הורדוס ומכל מזמת עם היהודים:

וידפק על דלת השער ותגש נערה להקשיב ושמה רודי:

ויאמרו אליה משגעת את והיא מתאמצת כי כן הוא ויאמרו מלאכו הוא:

והוא רמז להם בידו לחשות ויספר להם את אשר הוציאו האדון מן המשמר ויאמר הגידו את זאת ליעקב ולאחים ויצא וילך לו למקום אחר:

ויהי כאשר בקש אותו הורדוס ולא מצאו חקר את השמרים ויצו להוציאם למות וירד מיהודה אל קסרין וישב שם:

ויהי ביום המועד וילבש הורדוס לבוש מלכות וישב על כסא המשפט ויטף אליהם אמרתו:

ויכהו מלאך יהוה פתאם עקב אשר לא נתן הכבוד לאלהים ויאכלהו תולעים ויגוע:

וישובו בר נבא ושאול מירושלים אחרי כלותם את השמוש ויקחו אתם את יוחנן המכנה מרקוס: