וכל קרני רשעים אגדע תרוממנה קרנות צדיק:

תועבת מלכים עשות רשע כי בצדקה יכון כסא:

מלך יושב על כסא דין מזרה בעיניו כל רע:

מזרה רשעים מלך חכם וישב עליהם אופן:

בית דוד כה אמר יהוה דינו לבקר משפט והצילו גזול מיד עושק פן תצא כאש חמתי ובערה ואין מכבה מפני רע מעלליהם:

ואמר שמעו נא ראשי יעקב וקציני בית ישראל הלוא לכם לדעת את המשפט:

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת:

יפה נוף משוש כל הארץ הר ציון ירכתי צפון קרית מלך רב:

כאשר שמענו כן ראינו בעיר יהוה צבאות בעיר אלהינו אלהים יכוננה עד עולם סלה:

לא ישבו בארץ יהוה ושב אפרים מצרים ובאשור טמא יאכלו:

ואתמול עמי לאויב יקומם ממול שלמה אדר תפשטון מעברים בטח שובי מלחמה:

קומו ולכו כי לא זאת המנוחה בעבור טמאה תחבל וחבל נמרץ:

ולא יבוא בה כל טמא ועשה תועבה ושקר כי אם הכתובים בספר החיים של השה:

אשרי העשים את מצותיו למען תהיה ממשלתם בעץ החיים ובאו העירה דרך השערים:

ומחוץ לה הכלבים והמכשפים והזנים והמרצחים ועבדי האלילים וכל אהב שקר ועשהו: