משכיל לאיתן האזרחי חסדי יהוה עולם אשירה לדר ודר אודיע אמונתך בפי:

שמעה ותשמח ציון ותגלנה בנות יהודה למען משפטיך יהוה:

עשה צדקות יהוה ומשפטים לכל עשוקים:

רחום וחנון יהוה ארך אפים ורב חסד:

למכה מצרים בבכוריהם כי לעולם חסדו:

ביד חזקה ובזרוע נטויה כי לעולם חסדו:

והעביר ישראל בתוכו כי לעולם חסדו:

למוליך עמו במדבר כי לעולם חסדו:

ויהרג מלכים אדירים כי לעולם חסדו:

ולעוג מלך הבשן כי לעולם חסדו:

נחלה לישראל עבדו כי לעולם חסדו:

כי למשה אמר וחנתי את אשר אחן ורחמתי את אשר ארחם:

כי כן הכתוב אמר לפרעה בעבור זאת העמדתיך בעבור הראתך את כחי ולמען ספר שמי בכל הארץ:

לכן ראה נא טובת אלהים וזעמו זעמו על הנפלים ועליך טובתו אם תעמד בטובתו ואם אין כי עתה גם אתה תגדע:

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים:

מי לא ייראך יהוה ולא יכבד את שמך כי קדוש אתה לבדך כי כל הגוים יבאו וישתחוו לפניך כי נגלו משפטי צדקך:

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו:

וישנו ויאמרו הללויה ועשנה יעלה לעולמי עולמים:

גם אני אודך בכלי נבל אמתך אלהי אזמרה לך בכנור קדוש ישראל:

תרננה שפתי כי אזמרה לך ונפשי אשר פדית: