הלאל יסכן גבר כי יסכן עלימו משכיל:

החפץ לשדי כי תצדק ואם בצע כי תתם דרכיך:

אם צדקת מה תתן לו או מה מידך יקח:

כי תקדמנו ברכות טוב תשית לראשו עטרת פז:

או מי הקדימו וישלם לו:

ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ:

הן ליהוה אלהיך השמים ושמי השמים הארץ וכל אשר בה:

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש:

ועתה אלהינו מודים אנחנו לך ומהללים לשם תפארתך:

לדוד מזמור ליהוה הארץ ומלואה תבל וישבי בה:

אם ארעב לא אמר לך כי לי תבל ומלאה:

השמים שמים ליהוה והארץ נתן לבני אדם:

כי ליהוה הארץ ומלואה:

ואיש כי יאמר אליכם זה הוא זבח אלילים אל תאכלו בעבור המודיע ומפני מכשול הלב כי ליהוה הארץ ולמואה: