הן יעבר עלי ולא אראה ויחלף ולא אבין לו:

מי יתן ידעתי ואמצאהו אבוא עד תכונתו:

הן קדם אהלך ואיננו ואחור ולא אבין לו:

כי ידע דרך עמדי בחנני כזהב אצא:

אם לכח אמיץ הנה ואם למשפט מי יועידני:

הן אצעק חמס ולא אענה אשוע ואין משפט:

חשבתי ימים מקדם שנות עולמים:

הלעולמים יזנח אדני ולא יסיף לרצות עוד:

השכח חנות אל אם קפץ באף רחמיו סלה:

ענן וערפל סביביו צדק ומשפט מכון כסאו:

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו:

כל כלי יוצר עליך לא יצלח וכל לשון תקום אתך למשפט תרשיעי זאת נחלת עבדי יהוה וצדקתם מאתי נאם יהוה:

ואני ביהוה אצפה אוחילה לאלהי ישעי ישמעני אלהי:

זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו:

אל תתנני בנפש צרי כי קמו בי עדי שקר ויפח חמס:

קוה אל יהוה חזק ויאמץ לבך וקוה אל יהוה:

גול על יהוה דרכך ובטח עליו והוא יעשה:

והוציא כאור צדקך ומשפטך כצהרים:

אך לאלהים דומי נפשי כי ממנו תקותי:

בטחו בו בכל עת עם שפכו לפניו לבבכם אלהים מחסה לנו סלה:

מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו:

מי יענה בבחירי אלהים הן אלהים הוא המצדיק:

ומי הוא יאשימם הן המשיח אשר מת וביותר אשר נעור מעם המתים הוא לימין האלהים והוא יפגיע בעדנו: