כי חטאת קסם מרי ואון ותרפים הפצר יען מאסת את דבר יהוה וימאסך ממלך:

אם תאבו ושמעתם טוב הארץ תאכלו:

ואם תמאנו ומריתם חרב תאכלו כי פי יהוה דבר:

ישפק עלימו כפימו וישרק עליו ממקמו:

עד אן תמלל אלה ורוח כביר אמרי פיך:

האל יעות משפט ואם שדי יעות צדק:

הרב דברים לא יענה ואם איש שפתים יצדק:

בדיך מתים יחרישו ותלעג ואין מכלם:

הזאת חשבת למשפט אמרת צדקי מאל:

כי תאמר מה יסכן לך מה אעיל מחטאתי:

ואיוב הבל יפצה פיהו בבלי דעת מלין יכבר:

ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשני רעיך כי לא דברתם אלי נכונה כעבדי איוב: